చిత్తూరు: వరదయ్య పాలెం మండలం సీఎల్ఎన్ పల్లి చావాలి ఎస్సీ కాలనీలో ఆదివారం కుక్కల దాడిలో 15 పొట్టేళ్లు మృతి చెందాయి. పాడి రైతులు రామకృష్ణయ్య, లక్ష్మయ్య, వేమయ్యకు చెందిన పొట్టేళ్లు మేత మేస్తుండగా ఒక్కసారిగా కుక్కలు దాడి చేశాయి. ఈ దాడిలో 15 పొట్టేళ్లు మృతి చెందగా మరో ఏడు గాయపడినట్లు బాధితులు తెలిపారు. సుమారు రెండు లక్షల మేర ఆస్తి నష్టం జరిగినట్లు తెలిపారు. ప్రభుత్వం తమను ఆదుకోవాలని విజ్ఞప్తి చేశారు.
