దసరా పండుగకు ముందే తెలంగాణ రాష్ట్ర ప్రభుత్వం ఉద్యోగులకు సీఎం కేసీఆర్ గుడ్ న్యూస్ చెప్పారు. ఉద్యోగులకు పే స్కేల్‌ చెల్లింపు కోసం పే రివిజన్‌ కమిటీని (పీఆర్సీని) నియమించాలనే కీలక నిర్ణయాన్ని తీసుకున్నారు. ఈ నేపథ్యంలో ఆ కమిటీ చైర్మన్‌గా ఎన్‌ శివశంకర్‌ (రిటైర్డ్ ఐఎఎస్), సభ్యుడిగా బీ రామయ్య (రిటైర్డ్ ఐఏఎస్)లను సీఎం కేసీఆర్ నియమిస్తూ ప్రకటన చేశారు. రాష్ట్ర ప్రభుత్వ ప్రధాన కార్యదర్శి శాంతి కుమారి పీఆర్సీ కమిటీపై ఉత్తర్వులు జారీ చేశారు. కమిటీ ఆరు నెల్లలోపు ఓ నివేదికను తయారు చేసి ప్రభుత్వానికి అందజేయాలని ఉత్తర్వుల్లో పేర్కొన్నారు.
చదవండి: Telanganaలో 32 చోట్ల జనసేన పోటీ.. లిస్ట్ ఇదే..?
పీఆర్సీకి బాధ్యతలు నిర్వర్తించేందుకు కావాల్సిన నిధులను, సిబ్బందిని సమకూర్చాలని ఆర్థిక శాఖను కూడా సీఎం కేసీఆర్ ఆదేశించింది. 5 శాతం మధ్యంతర భృతి (ఐఆర్)ని రాష్ట్ర ప్రభుత్వ ఉద్యోగులకు చెల్లించాలని సర్కార్ నిర్ణయం తీసుకుంది. 5 శాతం ఐఆర్ ప్రకటించడంతోపాటుగా పీఆర్సీ ప్రకటన కూడా వెలువడటంతో ఉద్యోగులు హర్షం వ్యక్తం చేస్తున్నారు. పీఆర్సీ కమిటీ ప్రకటన విడుదల కావడంతో ఉద్యోగుల్లో సంబరాలు మొదలయ్యాయి.
