కేరళలోని వయనాడ్ లోక్సభ ఉప ఎన్నికకు కాంగ్రెస్ పార్టీ ప్రధాన కార్యదర్శి ప్రియాంకా గాంధీ రేపటి నుంచి మళ్లీ ప్రచారం చేయనున్నారు. తన సోదరుడు రాహుల్ గాంధీతో కలిసి ఉదయం 11 గంటలకు మనంతవాడిలోని గాంధీ పార్కులో ర్యాలీకి హాజరవుతారు. ఈ ర్యాలీతో ఆమె ఎన్నికల ప్రచారం ప్రారంభం కానుంది. అదే రోజు మరో మూడు చోట్ల కూడా సమావేశాలు నిర్వహించనున్నారు. అలాగే, ప్రియాంక నవంబర్ 7 వరకు కేరళలో ఉంటారని కాంగ్రెస్ పార్టీ తెలిపింది.
