Gold and Silver Rates Today : రేటు తగ్గితే బంగారం కొనుక్కుందామని, పసిడిపై పెట్టుబడి పెడదామని అనుకునే వారు రోజు వారీ పసిడి రేట్లను తెలుసుకుంటూ ఉండటం ఆవస్యకం. మరి ఇవాల్టి బంగారం ధర ఎంత ఉందనేది తెలుసుకోవాలంటే ఇది చదివేయాల్సిందే. బుధవారం దేశీయ మార్కెట్లో 24 క్యారెట్ల పది గ్రాముల పసిడి ధర రూ.145 తగ్గి రూ.73,855కు చేరుకుంది.
చదవండి : చేతులు లేకపోయినా డ్రైవింగ్‌ లైసెన్స్‌ పొందిన యువకుడు
తెలుగు రాష్ట్రాల్లోని విజయవాడ, విశాఖపట్నం, హైదరాబాద్‌, ప్రొద్దుటూరు తదితర ప్రధాన పట్టణాల్లోనూ పది గ్రాముల పసిడి ధర(Gold Rate) రూ.73,855గా కొనసాగుతోంది. ఈ ధరలు మార్కెట్‌ ప్రారంభ సమయంలో ఉన్నవని గుర్తుంచుకోవాలి. కొనుగోలుదారులు నగల్ని కొనుగోలు చేస్తున్నప్పుడు మజూరీ, జీఎస్టీల్లాంటివి అదనంగా తోడవుతాయని గమనించుకోవాలి.
చదవండి : వర్షాలకు గోడ కూలి ఏడుగురు మృతి
ఇక దేశీయ మార్కెట్లలో వెండి ధర స్వల్పంగా పెరిగింది. కిలో వెండి ధర(Silver Rate) బుధవారం రూ.121 పెరిగి రూ.84,260కు చేరుకుంది. విశాఖపట్నం, ప్రొద్దుటూరు, హైదరాబాద్‌, విజయవాడల్లోనూ దాదాపు ఇదే ధరలు కొనసాగుతున్నాయి. ఇక అంతర్జాతీయ మార్కెట్లో స్పాట్‌ గోల్డ్‌ ధర స్వల్పంగా తగ్గుముఖం పట్టింది. నేడు ఐదు డాలర్ల మేర తగ్గి 2317 డాలర్లకు చేరింది. ఔన్సు వెండి ధర 27.35 డాలర్లుగా ఉంది.
