Congress is leading in more than 60 seats in Telangana election results 2023
Congress Candidates List 2024: లోక్‌సభ ఎన్నికల తేదీలను ప్రకటించకముందే బీజేపీ దేశవ్యాప్తంగా 195 స్థానాలకు అభ్యర్థుల తొలి జాబితాను విడుదల చేసింది. ఇదిలా ఉంటే అందరి చూపు కాంగ్రెస్ వైపు పడింది. కాంగ్రెస్ కేంద్ర ఎన్నికల కమిటీ (సీఈసీ) సమావేశం గురువారం (మార్చి 7) ముగిసింది. ఈ సమావేశంలో లోక్‌సభ ఎన్నికల అభ్యర్థుల తొలి జాబితాపై చర్చించారు. ఈ చర్చలో పలు లోక్‌సభ స్థానాలకు అభ్యర్థుల పేర్లను ఖరారు చేసినట్లు తెలుస్తోంది. రాహుల్ గాంధీ నుంచి భూపేష్ బఘేల్ వరకు పలువురి పేర్లు ఆమోదం పొందినట్లు విశ్వసనీయ సమాచారం.
చదవండి:West Bengal : జైళ్లో ప్రెగ్నెంట్ అయిన ఖైదీలు.. సీఎంకు చివాట్లు పెట్టిన హైకోర్టు
వచ్చే లోక్‌సభ ఎన్నికల్లో పోటీ చేసే 36 మంది అభ్యర్థులతో కూడిన తొలి జాబితాను కాంగ్రెస్ పార్టీ ప్రకటించింది. తెలంగాణలో మొత్తం 17 ఎంపీ స్థానాలు ఉండగా.. ప్రస్తుతం 4 స్థానాలకే అభ్యర్థులను ఖరారు చేసింది. జహీరాబాద్‌ నుంచి సురేశ్‌ షేట్కర్‌, చేవెళ్ల నుంచి సునీతా మహేందర్‌రెడ్డి, నల్గొండ నుంచి కుందూరు జానారెడ్డి కొడుకు రఘువీర్‌రెడ్డి, మహబూబాబాద్‌ నుంచి బలరాం నాయక్‌ పేర్లు తొలి జాబితాలో ప్రకటించారు. మహబూబ్‌నగర్‌ ఎంపీ అభ్యర్థిగా ఇప్పటికే వంశీచందర్‌రెడ్డిని సీఎం రేవంత్‌రెడ్డి ప్రకటించారు కానీ ఆయన పేరును హోల్డ్‌లో పెట్టింది.
చదవండి:తెలివైన వ్యక్తుల్లో ఉండే అలవాట్లు ఇవే!
మరోవైపు మాజీ అధ్యక్షుడు రాహుల్ గాంధీ వయనాడ్‌ నుంచే పోటీ చేయబోతున్నారు. అలాగే కన్నడ హీరో శివరాజ్‌ కుమార్‌ భార్య గీతకు శివమొగ్గ టికెట్‌ను కేటాయించింది ఏఐసీసీ. కిందటి ఏడాదే ఆమె కాంగ్రెస్‌లో చేరారు. ఛత్తీస్‌గఢ్‌ మాజీ సీఎం భూపేష్ బాఘేల్‌ను.. రాజ్‌నంద్‌గావ్‌ పార్లమెంట్‌ స్థానం నుంచి పోటీ చేయించబోతోంది కాంగ్రెస్.
