Uttar Pradesh:కాన్పూర్‌లోని ఒక మాల్‌లోని పివిఆర్‌లో గదర్ 2 సినిమా చూస్తున్న ప్రేక్షకులు నానా హంగామా సృష్టించారు. అక్కడ పెద్ద గొడవ జరిగింది. సినిమాలోని ఏ సీన్ చూసినా ప్రేక్షకులకు కోపం రాలేదు కానీ, ఒక్కసారిగా థియేటర్లో ఏసీ పాడైపోయింది. దీంతో ఫిర్యాదు చేసినా థియేటర్లో ఏసీ బాగుచేయలేదు. ఆ తర్వాత కోపోద్రిక్తులైన ప్రేక్షకులు తమ డబ్బును తిరిగి ఇవ్వాలని డిమాండ్ చేశారు. ఈ సమయంలోనే వారు బౌన్సర్‌తో గొడవ పడ్డారు. ప్రస్తుతం గొడవకు సంబంధించిన వీడియో సోషల్ మీడియాలో విపరీతంగా వైరల్ అవుతోంది.
చదవండి:Police: కార్యకర్తలే సెక్యూరిటీ.. గన్‌మెన్లు విధులకు రాకపోవడంపై రేవంత్
సినిమా చూస్తున్నప్పుడు హాల్‌లోని ఏసీ ఆగిపోవడంతో ప్రేక్షకులు కోపంతో బయటకు వచ్చి తమ డబ్బు ఇవ్వాలని డిమాండ్ చేస్తూ రచ్చ సృష్టించారు. గొడవ ప్రారంభమైన వెంటనే కొంతమంది బౌన్సర్లు కలిసి ఒక ప్రేక్షకుడిని కొట్టారు. బౌన్సర్ల వైఖరితో సినిమా చూసేందుకు వచ్చిన ప్రేక్షకులు కోపోద్రిక్తులయ్యారు. ప్రేక్షకులు బౌన్సర్లతో గొడవకు దిగారు.
చదవండి:Sunny Deol Video:సెల్ఫీ తీసుకోవడానికి ప్రయత్నిస్తున్న అభిమానిపై విరుచుకుపడ్డ సన్నీడియోల్
పోలీసుల కథనం ప్రకారం, సౌత్ ఎక్స్ మాల్‌లో సినిమా చూడటానికి వచ్చిన వ్యక్తులను సినిమా మేనేజర్ దుర్భాషలాడారని, దాడి చేశారని తెలిపారు. ఇందుకు సంబంధించి పోలీస్ స్టేషన్‌లో ఫిర్యాదు తీసుకున్నారు. కొందరిపై కేసు నమోదు చేశారు. ఈ వ్యవహారంపై విచారణ అనంతరం తగిన చర్యలు తీసుకుంటున్నారు.
