Gold chain for dog : కొంత మంది పెంపుడు కుక్కలను, మనుషులకంటే ఎక్కువగా చూసుకుంటారు. వాటికి ముద్దలు కలిపి భోజనం తినిపిస్తారు. చక్కటి దుస్తులు వేసి అలంకరిస్తారు. వాటికి ఆడుకోవడానికి బొమ్మలు కొనిపెడతారు. ఇప్పటి వరకు ఇలాంటి వారినే మనం చూశాం. అయితే ముంబయికి చెందిన ఓ మహిళ అంతకు మించి చేసింది. తన పెంపుకు శునకం పుట్టిన రోజుకు ఏకంగా బంగారు చైన్‌ని గిఫ్ట్‌గా ఇచ్చింది. దాని విలువ రూ.2.5లక్షలు కావడం అందరినీ ఆశ్చర్యానికి గురి చేస్తోంది.
చదవండి : పాల ట్యాంకర్‌ను ఢీకొన్న డబుల్‌ డెక్కర్‌ బస్సు, 18మంది స్పాట్‌ డెడ్‌
ముంబయిలోని చెంబూర్‌ ప్రాంతంలో సరిత సల్దాన్హా అనే మహిళ నివాసం ఉంటుంది. ఆమె ఓ కుక్కను పెంచుకుంటోంది. దాని పేరు టైగర్‌. గత నెలలో టైగర్‌ పుట్టినరోజు(birthday). దీంతో దాన్ని పుట్టిన రోజును ఘనంగా జరుపాలని మహిళ భావించింది. దాన్ని దగ్గరలో ఉన్న ఓ బంగారం దుకాణానికి తీసుకువెళ్లింది. దానికి నప్పేలా ఉన్న ఓ బంగారు చైన్‌ని(Gold Chain) కొనుగోలు చేసింది.
చదవండి : మహారాష్ట్రలోని హింగోలిలో భూకంపం.. పరుగులు తీసిన జనం
ఆ గోల్డ్‌ చైన్‌(Gold Chain) ఏకంగా మూడున్నర తులాల బరువు ఉంది. దీంతో రూ2.5 లక్షలు వెచ్చించి ఈ చైన్‌ని మహిళ కొనుగోలు చేసింది. ఆ షాపులోనే దానికి ఆ గొలుసును వెసి మురిసిపోయింది. దీంతో అక్కడున్న వారు ఆ దృశ్యాన్ని వీడియో తీశారు. అది ఇప్పుడు నెట్‌లో వైరల్‌గా మారింది. మరింకెందు కాలస్యం. ఆ వీడియోని మీరూ ఓ సారి చూసేయండి.
View this post on Instagram
