WNP: అమరచింత మండలం కిష్టం పల్లి గ్రామ శివారులోని ఓ ముళ్ళపొదలో ఓ పసికందును శుక్రవారం ఉదయం స్థానికులు గుర్తించారు. కళ్ళు కూడా తెరవని ఆడ శిశువును ఎవరో అక్కడ విసిరేసిపోయారని గ్రామానికి చెందిన రాజు తెలిపాడు. పాపను ఆత్మకూరు ప్రభుత్వ ఆసుపత్రికి చికిత్స నిమిత్తం తరలించామని తెలిపాడు. పాప ఆరోగ్యం నిలకడగా ఉందని, ఇలాంటి సంఘటన జరగడం తమ ప్రాంతంలో ఇది మొదటిసారని రాజు తెలిపారు.
