Shreyas Iyer: భారత్-ఆస్ట్రేలియా మధ్య మూడు వన్డేల సిరీస్‌లో భాగంగా ఇండోర్‌లో రెండో మ్యాచ్ జరుగుతోంది. ఈ మ్యాచ్‌లో ఆస్ట్రేలియా కెప్టెన్ స్టీవ్ స్మిత్ టాస్ గెలిచి ముందుగా బౌలింగ్ ఎంచుకున్నాడు. తొలుత బ్యాటింగ్‌కు దిగిన టీమిండియా తరఫున శుభ్‌మన్ గిల్, శ్రేయాస్ అయ్యర్ సెంచరీలు చేశారు. అదే సమయంలో భారత ఇన్నింగ్స్ 31వ ఓవర్లో ఓ వింత దృశ్యం కనిపించింది. వాస్తవానికి, ఆస్ట్రేలియా ఫాస్ట్ బౌలర్ సీన్ అబాట్ వేసిన 31వ ఓవర్లో భారత బ్యాట్స్‌మెన్ శ్రేయాస్ అయ్యర్ రెండుసార్లు ఔట్ అయ్యాడు.
చదవండి:IND vs AUS : దంచికొట్టిన భారత్..ఆస్ట్రేలియా టార్గెట్ 400
31వ ఓవర్లో ఏం జరిగింది?
31వ ఓవర్ వేయడానికి ఆస్ట్రేలియా ఫాస్ట్ బౌలర్ సీన్ అబాట్ వచ్చాడు. ఈ ఓవర్ మూడో బంతికి శ్రేయాస్ అయ్యర్ గాలిలో షాట్ ఆడగా, ఆ తర్వాత ఫాలో త్రూలో సీన్ అబాట్ క్యాచ్ పట్టాడు. దీంతో మైదానంలోని అంపైర్ శ్రేయాస్ అయ్యర్‌ను అవుట్‌గా ప్రకటించాడు. ఔట్ అయిన తర్వాత శ్రేయాస్ అయ్యర్ మైదానం నుంచి వెళ్లిపోయాడు. వెంటనే శ్రేయాస్ అయ్యర్ స్థానంలో బ్యాటింగ్ చేయడానికి కేఎస్ రాహుల్ మైదానానికి వచ్చాడు. తొలుత దీనిని ఎవరూ గమనించలేదు. కానీ థర్డ్ అంపైర్ ఇన్నింగ్స్‌లో సీన్ అబాట్ క్యాచ్‌ను సరిగ్గా పట్టుకోలేకపోయాడని గమనించాడు. సీజన్ అబాట్ క్యాచ్ పట్టిన తర్వాత బంతి నేలను తాకింది.
చదవండి:Pakistan: 3నెలలుగా అత్యాచారం.. తట్టుకోలేక తండ్రిని కాల్చి చంపిన కూతురు
శ్రేయాస్ అయ్యర్ రెండోసారి ఔట్
రీప్లేలు చూసిన తర్వాత బంతి నేలను తాకినట్లు స్పష్టమైంది. ఆ తర్వాత థర్డ్ అంపైర్ శ్రేయాస్ అయ్యర్ నాటౌట్‌గా ప్రకటించాడు. శ్రేయాస్ అయ్యర్ మళ్లీ బ్యాటింగ్‌కు వచ్చాడు. కానీ శ్రేయాస్ అయ్యర్ ఇన్నింగ్స్ ఎక్కువసేపు నిలవలేకపోయింది. మళ్లీ క్రీజులోకి వచ్చిన తర్వాత శ్రేయాస్ అయ్యర్ ఫోర్ కొట్టాడు. ఆ తర్వాతి బంతికే ఔటయ్యాడు. ఈ విధంగా సీన్ అబాట్ ఓవర్లో శ్రేయాస్ అయ్యర్ రెండుసార్లు ఔటయ్యాడు. అయితే అవుటయ్యే ముందు శ్రేయాస్ అయ్యర్ అద్భుత సెంచరీ ఆడాడు. శ్రేయాస్ అయ్యర్ 90 బంతుల్లో 105 పరుగులు చేశాడు. అతని ఇన్నింగ్స్‌లో 11 ఫోర్లు, 3 సిక్సర్లు బాదాడు. శ్రేయాస్ అయ్యర్, శుభ్‌మన్ గిల్ మధ్య రెండో వికెట్‌కు 200 పరుగుల భాగస్వామ్యం నెలకొల్పింది.
