టీమిండియా మాజీ ఓపెనర్‌ గౌతమ్ గంభీర్..కోహ్లీపై ఆగ్రహంతో ఉన్న విషయం అందరికీ తెలిసిందే. తాజాగా ఆ కోపం మరోసారి బయటపడింది. ఆసియా కప్-2023లో భాగంగా సోమవారం భారత్, నేపాల్ జట్ల మధ్య మ్యాచ్ జరుగుతోంది. గంభీర్ మైదానం నుంచి తిరిగి వస్తుండగా అతడిని చూసిన ప్రేక్షకులు కోహ్లి కోహ్లీ అంటూ నినాదాలు చేశారు. ఆ టైంలో గంభీర్ ఫోన్‌లో మాట్లాడుకుంటున్నాడు.
చదవండి: Virat Kohli: పాక్ ఆటగాళ్లను కౌగిలించుకున్న విరాట్ కోహ్లి.. మండిపడుతున్న నెటిజన్స్
అయితే కోహ్లి కోహ్లీ అనే నినాదాలు విన్న వెంటనే గంభీర్ కోపంతో ఊగిపోయాడు. మిడిల్ ఫింగర్ చూపించడంతో అక్కడున్నవారు మరింత బిగ్గరగా నినాదాలు చేశారు. కోహ్లీ-గంభీర్ మధ్య 2013 నుంచి పోరు సాగుతోంది. ఆ ఏడాది ఐపీఎల్‌లో ఇద్దరి మధ్య వాగ్వాదం జరిగి అది కాస్తా ఇప్పటికీ వారిద్దరి మధ్య మంట రగుల్చుతూనే ఉంది. గంభీర్ ఐపీఎల్‌లో లక్నో సూపర్ జెయింట్స్‌కు మెంటార్‌గా వ్యవహరించగా, విరాట్ కోహ్లీ రాయల్ ఛాలెంజర్స్ బెంగళూరు తరపున ఆడుతున్నప్పుడు కూడా వారి మధ్య గొడవ జరిగింది.
వైరల్ అవుతోన్న వీడియో:
— Out Of Context Cricket (@GemsOfCricket) September 4, 2023
