Haridwar road accident: ఉత్తరాఖండ్(Uttarakhand)లోని హరిద్వార్‌(Haridwar)లో ఘోర రోడ్డు ప్రమాదం జరిగింది. ఓ ప్యాసింజర్ బస్సు(BUS) అదుపుతప్పి కాలువలో పడిపోయింది. ప్రమాదం గురించి సమాచారం అందిన వెంటనే పోలీసులు(POlice), ఎస్‌డీఆర్‌ఎఫ్(SDRF) బృందం సంఘటనా స్థలానికి చేరుకుని సహాయక చర్యలు చేపట్టారు. బస్సులో 40 మందికి పైగా ప్రయాణిస్తున్నట్లు సమాచారం. మీడియా కథనాల ప్రకారం, ఈ ప్రమాదంలో ఇద్దరు వ్యక్తులు మరణించినట్లు వార్తలు వచ్చాయి. అయితే, ఇది ఇంకా అధికారికంగా ధృవీకరించబడలేదు.
ఈ ప్రమాదంలో బస్సు కండక్టర్(Bus conductor) కూడా మృతి చెందినట్లు సమాచారం. తీవ్రగాయాలతో 10 నెలల చిన్నారి మరణించింది. బస్సులో చిక్కుకున్న వారిని బయటకు తీసే పనిలో రెస్క్యూ టీమ్ నిమగ్నమై ఉంది. గాయపడిన వారిలో కొందరిని ఆసుపత్రిలో చేర్చారు. గాయపడిన వారికి వైద్యుల బృందం చికిత్స అందిస్తున్నారు. ఈ ప్రమాదంలో చాలా మందికి స్వల్ప గాయాలైనట్లు సమాచారం.
చదవండి:Asaduddin Owaisi: దమ్ముంటే చైనాపై సర్జికల్ స్ట్రైక్ చేసి చూపండి
చాందీ చౌక్‌ సమీపంలో
హరిద్వార్‌లోని చాందీ చౌక్‌(Chandi Chowk) సమీపంలో ఈ ఘటన జరిగినట్లు సమాచారం. నజీబాబాద్(Najibabad) వైపు వెళ్తున్న బస్సు ఒక్కసారిగా అదుపు తప్పి రోడ్డుకు 20 మీటర్ల దిగువన ఉన్న గుంతలో పడిపోయింది. ప్రమాదం అనంతరం ప్రయాణికులు ఒక్కసారిగా కేకలు వేశారు. ప్రయాణికులు సహాయం కోసం కాల్ చేయడం ప్రారంభించారు. ప్రయాణికుల అరుపులు విని అటుగా వెళ్తున్న బాటసారులు వెంటనే పోలీసులకు సమాచారం అందించారు. తీవ్రంగా గాయపడిన రోగులను చికిత్స నిమిత్తం రిషికేశ్‌లోని ఆస్పత్రికి తరలించినట్లు సమాచారం.
చదవండి:KCR : మధ్య ప్రదేశ్లో కేసీఆర్ ‘మిషన్ 2024’
రిషికేశ్-శ్రీనగర్ రహదారిపై కూడా
మరోవైపు ఉత్తరాఖండ్లో మరో ప్రమాదం జరిగినట్లు వార్తలు వస్తున్నాయి. రిషికేశ్-శ్రీనగర్ రోడ్డులో ఈ ప్రమాదం జరిగింది. రెండు వాహనాలు ఢీకొన్నాయి. ఈ ప్రమాదంలో ఇద్దరు అక్కడికక్కడే మృతి చెందారు. అదే సమయంలో ఎనిమిది మందికి గాయాలయ్యాయి. ఈ ప్రమాదంలో వాహనం నడుపుతున్న డ్రైవర్‌కు కూడా తీవ్రగాయాలయ్యాయని, అతడిని చికిత్స నిమిత్తం ఆస్పత్రికి తరలించినట్లు సమాచారం. ప్రమాదంలో మరణించిన వారి కుటుంబాలకు పరిపాలన బృందం సమాచారం అందించింది.
Uttarakhand | A bus overturned after it lost control near Chandi Chowk, Haridwar. Police, SDRF and Fire Service personnel reached the spot and rescued the injured. pic.twitter.com/RDFnLIqDMh
— ANI UP/Uttarakhand (@ANINewsUP) May 31, 2023
