TG: పంచాయతీరాజ్, గ్రామీణాభివృద్ధి శాఖ అధికారులతో మంత్రి సీతక్క సమీక్ష నిర్వహించారు. పనుల్లో వేగం పెంచాలని అధికారులకు ఆదేశాలు జారీ చేశారు. పెండింగ్లో ఉన్న బిల్లులు త్వరలో చెల్లిస్తామని తెలిపారు. గ్రామాల్లో తాగునీటి సరఫరాకు మంచినీటి సహాయకుల నియామకం జరగనుందన్నారు. బోర్లు, పైపులు దెబ్బతింటే అదే రోజు మరమ్మతులు చేసేలా చర్యలు తీసుకుంటామని పేర్కొన్నారు.