Odisha: ఒడిశాలోని జాజ్‌పూర్ జిల్లాలోని విషాదం చోటు చేసుకుంది. ప్రభుత్వ పాఠశాలలో 4వ తరగతి విద్యార్థి మంగళవారం ఒక ఉపాధ్యాయుడు గుంజీలు చేయమని బలవంతం చేయడంతో క్లాసు రూంలోనే కుప్పకూలాడు. ఆ చిన్నారి రాష్ట్రంలోని ఓర్లిలో ఉన్న సూర్య నారాయణ్ నోడల్ హయ్యర్ ప్రైమరీ స్కూల్ విద్యార్థి. అతని పేరు రుద్ర నారాయణ్ సేథి అని తెలుసతోంది. మంగళవారం, 10 ఏళ్ల విద్యార్థి రుద్ర మధ్యాహ్నం 3 గంటలకు తరగతి సమయంలో పాఠశాల ఆవరణలో మరో నలుగురు తోటి విద్యార్థులతో ఆడుకుంటూ కనిపించాడు. దీంతో కోపోద్రిక్తుడైన ఓ ఉపాధ్యాయుడు అందుకు శిక్షగా విద్యార్థిని గుంజీలు తీయమని ఆదేశించాడు. ఈ క్రమంలో చిన్నారి కిందపడిపోయాడు. దీని తరువాత రసూల్‌పూర్ బ్లాక్‌లోని ఓర్లి గ్రామంలో నివసిస్తున్న అతని తల్లిదండ్రులకు సంఘటన గురించి సమాచారం అందించారు.
చదవండి:Women ఓటర్లే అధికం, ఎన్నికలకు ఏర్పాట్లు పూర్తి: సీఈవో వికాస్ రాజ్
చిన్నారిని సమీపంలోని సామాజిక ఆరోగ్య కేంద్రానికి తరలించారు. తన పరిస్థితిలో ఎటువంటి మార్పు రాకపోవడంతో మంగళవారం రాత్రి కటక్‌లోని SCB మెడికల్ కాలేజీ, ఆసుపత్రికి తీసుకెళ్లారు. అక్కడ వైద్యులు తను చనిపోయినట్లు ప్రకటించారు. ఈ విషయమై రసూల్‌పూర్ బ్లాక్ ఎడ్యుకేషన్ ఆఫీసర్ (బీఈవో) నీలాంబర్ మిశ్రాను సంప్రదించారు. ఈ విషయమై ఇప్పటి వరకు అధికారికంగా ఎలాంటి ఫిర్యాదు అందలేదన్నారు. ఫిర్యాదు అందగానే తక్షణ చర్యలు తీసుకుంటామని ఆయన తెలిపారు. ఈ సంఘటన వెలుగులోకి రావడంతో రసూల్‌పూర్ అసిస్టెంట్ బ్లాక్ ఎడ్యుకేషన్ ఆఫీసర్ ప్రవంజన్ పతి కూడా పాఠశాలను సందర్శించి సంఘటనపై దర్యాప్తు ప్రారంభించారు.
చదవండి:Rahul Dravid: హెడ్ కోచ్‌ కొనసాగింపునకు ఇంట్రెస్ట్ చూపని ద్రావిడ్.. ఎవరంటే?
