Manipur Viral Video: మణిపూర్‌లో జరిగిన హింసాత్మక ఘటనలు, మహిళలను నగ్నంగా ఊరేగించిన ఘటన యావత్ దేశాన్ని కుదిపేసింది. గల్లీ నుంచి పార్లమెంట్ వరకు దుమారం రేగుతోంది. రాజకీయ నాయకుల మధ్య రచ్చ జరుగుతోంది. రాజకీయాలకు అతీతంగా అందరి ముందు గౌరవానికి భంగం కలిగించిన మహిళల బాధను ఎవరూ అర్థం చేసుకోలేరు. మణిపూర్ హింసాకాండలో వివస్త్రను చేసి ఊరేగించిన మహిళల్లో ఒకరి భర్త కార్గిల్ యుద్ధ యోధుడు.
కార్గిల్ యుద్ధంలో పోరాడి 65 ఏళ్ల రిటైర్డ్ సైనికుడు ఆ ఘటనపై బాధపడ్డాడు. తమకు అన్యాయం జరిగిందని అరుస్తున్నా ఎవరూ పట్టించుకోలేదని.. ఈ ఘటనను ఎవరూ నమ్మలేదని సైనికుడు చెప్పాడు. ఎట్టకేలకు దేవుడు మా మాట విన్నాడని, ‘నిజం బయటకు రావాలంటే దేవుడే వీడియోను వైరల్ చేసి ఉంటాడని అన్నారు. మహిళలను బట్టలు విప్పిన ఘటన మే 4 న జరిగింది. వీడియో జూలై 19 న వైరల్ అయింది.
చదవండి: Smartphone: స్మార్ట్‌ఫోన్ వాడకంపై డ్రాగన్ నిబంధనలు
మణిపూర్‌లో మే 4 హింసాకాండ సందర్భంగా తన భార్యను ఒక గుంపు నగ్నంగా ఊరేగించారని కార్గిల్‌కు చెందిన సైనికుడు చెప్పాడు. మా వాల్ల కాలేకపోయింది. చూస్తూ నిల్చున్నారు కానీ ఎవరూ జాలిపడలేదు. ఈ నెల 18వ తేదీన సైకుల్ పోలీస్ స్టేషన్‌లో ఫిర్యాదు చేసినట్లు సైనికుడు తెలిపారు. ఈ ఫిర్యాదు ఆధారంగా మే 18న కాంగ్‌పోక్పి జిల్లాలోని సైకుల్ పోలీస్ స్టేషన్‌లో జీరో ఎఫ్‌ఐఆర్ నమోదు చేయబడింది. ఎలాంటి చర్య తీసుకోలేదు. సాక్ష్యం ఇచ్చేందుకు కూడా ఎవరూ ముందుకు రాలేదు. మేము బాధ విషాన్ని మింగామని వివరించారు.
జూలై 19న హఠాత్తుగా ఆ వీడియో వైరల్‌గా మారింది. నిజాలు బయటకు రావాలని, మా గొంతు, బాధ ప్రజలకు చేరేలా దేవుడు ఆ వీడియోను వైరల్ చేశాడని భావిస్తున్నామని సైనికుడు చెప్పాడు. రిటైర్డ్ జవాన్ మాట్లాడుతూ.. తాను సైన్యంలో సుమారు 30 ఏళ్ల సుదీర్ఘ కెరీర్‌ను కలిగి ఉన్నానని చెప్పారు. 18 సంవత్సరాల వయస్సులో అస్సాం రెజిమెంట్‌లో సైనికుడిగా చేరాడు. పలు పతకాలతో 2000 ఏడాదిలో చివరలో సుబేదార్‌గా పదవీ విరమణ చేశాడు. తన గ్రామం గర్వపడేలా చేశాడు. సైన్యంలో చేరడానికి యువతను ప్రేరేపించాడు. అతను సైనిక్ సేవా పతకం, ఆపరేషన్ విజయ్ మెడల్, విదేశ్ సేవా పతకం, విశేష సేవా పతకంతో సహా అనేక పతకాలు అందుకున్నాడు.
చదవండి: Jabardast Faima: పెళ్లి ఫోటోతో ప్రియుడికి షాకిచ్చిన ఫైమా
