దీపికకు చాలా సార్లు పెట్టా.. జాన్ అబ్రహం బుగ్గ మీద షారుఖ్ ముద్దు

shah rukh khan kisses john abraham infront of deepika

ప్రస్తుతం దేశమంతా పఠాన్ సినిమా గురించే మాట్లాడుకుంటోంది. అసలు పఠాన్ సినిమా ఎన్నో అవాంతరాల మధ్య విడుదల అయినా రోజుకు రూ.100 కోట్లు వసూలు చేస్తూ అందరినీ షాక్ కు గురి చేస్తోంది. బాలీవుడ్ మీద ఇప్పటి వరకు ఉన్న రికార్డులు అన్నింటినీ పఠాన్ సినిమా బద్దలు కొట్టేసింది. బాక్సాఫీసు వద్ద ఈ సినిమా దూసుకుపోతోంది. ఈ సినిమా సూపర్ డూపర్ హిట్ అవడంతో సినిమా యూనిట్ మొత్తం చాలా హ్యాపీగా ఉంది. తాజాగా మూవీ సక్సెస్ మీట్ ను ముంబైలో నిర్వహించారు. ఈ ఈవెంట్ కు షారుఖ్ ఖాన్ తో పాటు జాన్ అబ్రహం, దీపికా పదుకొణె హాజరయ్యారు. ఈ సందర్భంగా జాన్ అబ్రహం ఈ సినిమాలో తన క్యారెక్టర్ గురించి చెబుతుండగా షారుఖ్ సడెన్ గా లేచి జాన్ దగ్గరికి వచ్చి అతడి బుగ్గ మీద కిస్ ఇచ్చి వెళ్లిపోయాడు. పక్కనే ఉన్న దీపికా పదుకొణె తనలో తానే ముసిముసి నవ్వులు నవ్వుకుంది.

దీపికకు నేను చాలా సార్లు ముద్దులు ఇచ్చాను. కానీ.. జాన్ కు తొలిసారి ఇవ్వడం నాకు చాలా కొత్తగా అనిపించింది.. అంటూ షారుఖ్ ముద్దు ఇచ్చిన తర్వాత చెప్పుకొచ్చాడు. జాన్ కూడా రెస్పాండ్ అయినా నాకు చాలా ఆనందంగా ఉంది అంటూ భావోద్వేగానికి గురయ్యాడు. షారుఖ్ ఖాన్ తో తొలిసారి పని చేశానని… ఆయన నటుడు కాదు.. ఒక ఎమోషన్ అంటూ జాన్ అబ్రహం అన్నాడు. మొత్తానికి షారుఖ్ ఖాన్.. జాన్ కు ఇచ్చిన కిస్ కు సంబంధించిన వీడియో సోషల్ మీడియాలో తెగ వైరల్ అవుతోంది. దాన్ని గిఫ్ ఫార్మాట్ లో సేవ్ చేసి నెటిజన్లు వైరల్ చేస్తున్నారు.