నటి మంచు లక్ష్మి (Manchu Lakshmi) బాలీవుడ్‌కు షిఫ్టయ్యారు.హైదరాబాద్ నుంచి తన నివాసం ముంబైకి మార్చేసింది. ఈ విషయాన్ని ఆవిడే స్వయంగా వెల్లడించింది.’ముంబై(Mumbai).. కొత్త నగరం, కొత్త ప్రపంచం.. ఈ జీవితాన్ని ప్రసాదించినందుకు ఎంతో కృతజ్ఞతలు. నాపై నమ్మకముంచి నా మీద ఎల్లవేళలా ప్రేమాభిమానాలు కురిపించే అభిమానులందరికీ ధన్యవాదాలు’ అని ట్వీట్‌ చేసింది.
చదవండి : Chandrababu: హైదరాబాద్‌లో రేపు ‘లెట్స్ మెట్రో ఫర్ సీబీఎన్’
తాను ముంబైకి ఎందుకు మారాల్సి వచ్చిందన్న విషయం చెబుతూ .. వృత్తిపరమైన పనుల నిమిత్తమే తాను ముంబైకి మకాం మార్చినట్టు తెలిపారు. దక్షిణాదిలో తాను ఎన్నో అద్భుతమైన పాత్రలు పోషించినట్టు తెలిపారు. అక్కడ కొన్ని పరిమితులు ఉంటాయని, ఇక్కడ విస్తృతమైన అవకాశాలు ఉంటాయనే ఉద్దేశంతోనే ముంబైకి వచ్చినట్టు పేర్కొన్నారు. ఆడిషన్స్‌(Auditions)లో పాల్గొనేందుకు ఆసక్తిగా ఉన్నట్టు తెలిపారు. లక్ష్మి తెలుగులో ప్రస్తుతం ‘అగ్ని నక్షత్రం’ సినిమాలో నటిస్తున్నారు.
చదవండి : ఎట్టకేలకు సీఎం కేసీఆర్ లేటెస్ట్ ఫోటో.. షేర్ చేసిన మంత్రి శ్రీనివాస్ గౌడ్
‘సౌత్‌లో చాలా రకాల రోల్స్‌ చేశాను. కానీ అవి కొన్ని పరిమితులకు లోబడే ఉన్నాయి. ఇంకా విభిన్న పాత్రలు చేయాలనుకుంటున్నాను. ముంబైలో అయితే అది వీలవుతుంది. సినిమాలు(Movies), వెబ్ సిరీస్‌లు చేసేందుకు నేను రెడీగా ఉన్నాను. ఆడిషన్స్‌కు కూడా సిద్ధమే! ఆఫీసుకు రమ్మన్నా వస్తాను. ముంబైలో నేను స్టార్‌ కిడ్‌ను కాదు. ఇక్కడ కొత్తగా ప్రయాణాన్ని ప్రారంభించాలనుకుంటున్నాను. అందుకిదే సరైన సమయమని భావిస్తున్నాను. నిజానికి నేను లాస్‌ ఏంజిల్స్‌ (Los Angeles) వెళ్లిపోదామనుకున్నాను అని మంచు లక్ష్మి పెర్కొన్నారు
చదవండి : World Book Of Records: పుట్టిన 72 రోజులకే ప్రపంచ రికార్డ్..!
