How is the response to Kalki's 'Bujji & Bhairava' series?
Kalki’s ‘Bujji: ప్రభాస్ హీరోగా దీపికా పదుకొణె, దిశా పటానీ హీరోయిన్లుగా.. అమితాబ్ బచ్చన్, కమల్ హాసన్ కీలక పాత్రల్లో నటించిన సినిమా ‘కల్కి 2898 ఏడీ’. నాగ్ అశ్విన్ తెరెక్కించిన ఈ మూవీ జూన్ 27న ప్రపంచ వ్యాప్తంగా విడుదల కానుంది. అయితే.. ఈ సినిమాను సరికొత్తగా ప్రమోట్ చేస్తున్నారు మేకర్స్. సినిమా కోసం స్పెషల్‌గా తయారు చేయించిన బుజ్జి అనే కారుని గ్రాండ్ ఈవెంట్‌తో లాంచ్ చేశారు. అలాగే.. బుజ్జిని ఇండియా మొత్తం తిప్పుతున్నారు. ఇక బుజ్జి భైరవ పాత్రలను పరిచయం చేస్తూ అమెజాన్ ప్రైమ్ వీడియోలో ప్రీల్యూడ్ యానిమేటెడ్ వెబ్ సిరీస్ రిలీజ్ చేశారు. అసలు ఒక సినిమా రిలీజ్‌కు ముందు.. యానిమేషన్ సిరీస్ రిలీజ్ చేయడం చాలా ఇంట్రెస్టింగ్‌గా మారింది. విడుదలైన రెండు ఎపిసోడ్స్‌కు కూడా సాలిడ్ రెస్పాన్స్ వస్తోంది. ఒక్కో ఎపిసోడ్‌ను 14 నిమిషాల నిడివితో రిలీజ్ చేశారు. కల్కి 2898 ఏడీ సినిమా మరింత అర్థం కావడానికి ఈ సిరీస్ రిలీజ్ చేశారు.
చదవండి:Gangs of Godavari: గ్యాంగ్స్ ఆఫ్ గోదావరి’ ఫస్ట్ డే కలెక్షన్స్.. దుమ్ములేపిన విశ్వక్!
ఇందులో ఫ్యూచర్ వరల్డ్ ఎలా ఉంటుందో చూపిస్తూ.. బుజ్జి అండ్ భైరవ స్టోరీని చూపించారు. కల్కి డిజిటల్ వరల్డ్ బిల్డింగ్, భవిష్యత్తులో ఉండే నిర్మాణాలు, కరెన్సీని యూనిట్‌లలో లెక్కించడం, అడ్వాన్స్డ్ వెహికల్స్, వెపన్స్ వంటి ఇతర విషయాలను పరిచయం చేశారు. ఫ్యూచర్‌లో అందరూ డిజిటల్ లైఫ్ లీడ్ చేస్తున్నట్లుగా చూపించారు. ఈ సిరీస్‌లో ప్రభాస్, బ్రహ్మానందం మధ్య వచ్చే కామెడీ.. బుజ్జి భైరవ మధ్య జరిగే సంభాషణ అదిరిపోయింది. దీంతో.. నాగ్ అశ్విన్ పై ప్రశంసల వర్షం కురిపిస్తున్నారు. ముఖ్యంగా బీజీఎమ్ మాత్రం నెక్ట్స్ లెవెల్‌లో ఉందనే చెప్పాలి. సంతోష్ నారాయణన్‌ను కూడా అభినందించాల్సిందే. మొత్తంగా.. ఈ సిరీస్ మాత్రం సినిమా పై అంచనాలు భారీగా పెంచేసింది. సినిమా కూడా ఇదే రేంజ్‌ రెస్పాన్స్ సొంతం చేసుకుంటే.. బాక్సాఫీస్ రికార్డులను తిరగరాయడం పక్కా. మరి కల్కి ఎలా ఉంటుందో చూడాలి.
చదవండి:Salman Khan: సల్మాన్ ఖాన్ హత్యకు పాక్ నుంచి ఏకే 47 తుపాకులు
