బీమ్లా నాయక్ సినిమాతో టాలీవుడ్ కి పరిచయం అయిన సంయుక్త మీనన్, ఆ తర్వాత వరస ఆఫర్లు చేజిక్కించుంది. ఆమె నటించిన బింబిసార, సార్ సినిమాలు కూడా హిట్ అయ్యింది. ఇక ఇటీవల వచ్చిన విరూపాక్షలో అయితే ఆమె విశ్వరూపం చూపించేసింది. నందిని పాత్రలో జీవించేసింది. హీరోయిన్ అంటే కేవలం సాంగ్స్ , రొమాన్స్ మాత్రమే కాదు, నటన పరంగా కూడా తాను సత్తా చాటగలగలను అని ఈ సినిమాతో ఆమె నిరూపించింది. క్లైమాక్స్ లో ఆమె నటనకు అందరూ ఫిదా అయిపోయారు.
చదవండి: Vishwak Sen: అందరినీ సంతోషపెట్టడానికి నేను బిర్యానీ కాదు.. విశ్వక్ సేన్..!
అయితే ఆమె నటించిన సినిమాలన్నీ హిట్లు అయినప్పటికీ, సంయుక్తకు ఆఫర్లు కరువయ్యాయి. నిజానికి విరూపాక్ష హిట్ తర్వాత సంయుక్తకు ఆఫర్లు క్యూ కట్టాలి. కానీ రివర్స్ లో ఆ తర్వాత ఆమెకు ఒక్క మూవీ కూడా రాకపోవడం గమనార్హం. మహేష్ గుంటూరు కారంలో తీసుకున్నారంటూ ప్రచారం జరిగింది. కానీ అందులో నిజం లేదు. ఇప్పుడు సంయుక్త చేతిలో ఒక్క సినిమా కూడా లేదు. మరి ఆమెకు మంచి ఆఫర్లు ఎప్పుడు వస్తాయో చూడాలి.
