Allu Arjun: Case registered against stylish star Allu Arjun!
Allu Arjun: సినీ నటుడు అల్లు అర్జున్‌పై కేసు నమోదు అయ్యింది. నంద్యాల ఎమ్మెల్యే, వైసీపీ అసెంబ్లీ అభ్యర్థి శిల్పా రవిచంద్రకిశోర్‌రెడ్డి ఇంటికి నిన్ని అల్లు అర్జున్ వెళ్లారు. దీంతో వైసీపీ శ్రేణులు అతనిని భారీ వాహనాలు, మోటారు సైకిళ్లతో ప్రదర్శనగా పట్టణంలోకి తీసుకొచ్చారు. ఆయన పర్యటనకు రిటర్నింగ్ అధికారి ముందస్తు అనుమతులు ఇవ్వలేదు. అయిన పోలీసులు బందోబస్సు ఏర్పాటు చేశారు. అదే సమయంలో మాజీ సీఎం చంద్రబాబు పర్యటన కూడా ఉంది. దీంతో ఆ జిల్లాలో కొంతసేపు ఉత్కంఠ నెలకొంది.
ఇది కూడా చూడండి: Horoscope Today: నేటి రాశిఫలాలు(2024 May 12th).. నూతనకార్యాలు ఆలస్యంగా ప్రారంభిస్తారు
చంద్రబాబు పర్యటనకు ముందుగా అనుమతి తీసుకున్న సమయంలో అల్లు అర్జున నంద్యాలలో ఎలా పర్యటిస్తారని టీడీపీ అసెంబ్లీ అభ్యర్థి ఎన్‌ఎండీ.ఫరూక్ ప్రశ్నించారు. ఎన్నికల నియమావళి ఉల్లంఘించారని సినీనటుడు అల్లు అర్జున్, ఎమ్మెల్యే శిల్పా రవిచంద్ర కిశోర్‌రెడ్డిలపై నిన్న రెండో పట్టణ పోలీసులు కేసు నమోదు చేసినట్లు ఎన్నికల అధికారి జేసీ రాహుల్‌కుమార్‌రెడ్డి తెలిపారు. పట్టణంలో 30 పోలీసు యాక్టు, 114 సెక్షన్ అమల్లో ఉన్నా ఎన్నికల అధికారి అనుమతి లేకుండా శిల్పా చంద్రకిశోర్‌రెడ్డి ఇంటికి అల్లు అర్జున్ వచ్చారన్నారు.
