సినీ హీరో కిరణ్ అబ్బవరం నటించిన ‘క’ మూవీ మంచి హిట్ అందుకుంది. ఈ నేపథ్యంలో మెగాస్టార్ చిరంజీవి చిత్రబృందాన్ని తన నివాసంలో కలిసి వారిపై ప్రశంసల వర్షం కురిపించారు. తాజాగా, చిరంజీవికి కృతజ్ఞతలు చెబుతూ కిరణ్ అబ్బవరం సోషల్ మీడియాలో పోస్ట్ పెట్టారు. ‘బాస్ నుంచి ప్రశంసలు. దాదాపు గంటపాటు మా కోసం సమయాన్ని కేటాయించి.. ఎన్నో గొప్ప విషయాలు పంచుకున్నందుకు చిరంజీవి గారికి థ్యాంక్యూ. ఈ క్షణాలను ఎప్పటికీ మర్చిపోను’ అని పేర్కొన్నారు.
