Donald Trump: అమెరికా మాజీ అధ్యక్షుడు డొనాల్డ్ ట్రంప్‌కు వరుసగా ఎదురుదెబ్బలు తగులుతున్నాయి. ఇప్పటికే ఆయనపై పలు కేసులు నమోదయ్యాయి. అయితే తాజాగా న్యూయార్క్ కోర్టు మరో షాక్ ఇచ్చింది. పలు బ్యాంకులను మోసం చేసిన కేసులో 364 మిలియన్ డాలర్ల జరిమానా విధించింది. అంటే భారత కరెన్సీలో దాదాపు రూ.2900 కోట్లు పైమాటే. అలాగే ట్రంప్ మూడేళ్లపాటు న్యూయార్క్ రాష్ట్రంలో ఆయన సొంత కంపెనీలో డైరక్టర్‌గా వ్యవహరించకుండా న్యాయస్థానం బ్యాన్ విధించింది.
ఇది కూడా చూడండి: Hero Mavrick 440 : హీరో మావ్రిక్ 440 బుకింగ్‌లు ప్రారంభం.. ఏప్రిల్‌ నుంచి డెలివరీలు
ట్రంప్ కుమారుడు, డొనాల్డ్ ట్రంప్ జూనియర్, ఎరిక్ ట్రంప్ కూడా ఒక్కొక్కరు రూ.33 కోట్లు చొప్పున జరిమానా చెల్లించాలని ఆదేశించింది. ట్రంప్ కుమారుడు సైతం రెండేళ్లపాటు వారి సొంత కంపెనీ బోర్డులో డైరెక్టర్లుగా విధులు నిర్వహించకుండా కోర్టు బ్యాన్ చేసింది. డొనాల్డ్ ట్రంప్, ఆయన ఇద్దరు కుమారులు తమ ఆస్తుల విలువను వందల మిలియన్ల డాలర్లు పెంచి చూపించారనే దర్యాప్తులో తేలడంతో న్యాయస్థానం ఈ మేరకు శిక్షలు విధించింది. ట్రంప్ అతని కుమారులు ఎటువంటి తప్పు చేయలేదని వాదిస్తున్నారు. రాజకీయ దురుద్దేశంతోనే ఈ విధంగా తనపై కేసులు వేశారని డొనాల్డ్ ట్రంప్ ఆరోపిస్తున్నారు.
ఇది కూడా చూడండి: GSLV-F14: నేడు నింగిలోకి జీఎస్‌ఎల్‌వీ-ఎఫ్‌14
