Si somanath online betting game
Dream11: ప్రస్తుతం ఆన్‌లైన్‌లో బెట్టింగ్ యాప్‌లు జోరుగా సాగుతున్నాయి. అందులోనూ ఇది వన్డే ప్రపంచ కప్ సమయం. చాలామంది వాళ్ల అదృష్టాన్ని పరీక్షించుకుంటూ డ్రీమ్ 11 ఆడుతుంటారు. ఈ ఆన్‌లైన్ బెట్టింగ్ వల్ల కొందరు డబ్బు పొగొట్టుకుంటే మరికొందరు మనీ సంపాదిస్తుంటారు. మహారాష్ట్రలోని పింప్రి చించ్‌వాడ్ పోలీస్ కమిషనరేట్‌కు చెందిన ఎస్సై సోమనాథ్ పోలీసు నిబంధనలను అతిక్రమించి గత మూడు నెలలుగా డ్రీమ్ 11లో తన అదృష్టాన్ని పరీక్షించుకుంటున్నాడు.
ఇది కూడా చూడండి: Horoscopetoday : నేటి రాశిఫలాలు(October18th 2023)..నూతన కార్యాలు ప్రారంభిస్తారు
ఈనేపథ్యంలో అక్టోబర్ 10న జరిగిన ఇంగ్లాండ్-బంగ్లాదేశ్ మ్యాచ్‌పై బెట్టింగ్‌లో పాల్గొన్నాడు. మ్యాచ్‌లో ఉత్తమంగా ఆడిన ప్లేయర్లతో టీమ్‌ను ఎంచుకున్నాడు. వెంటనే రూ.కోటిన్నర గెలుచుకున్నట్లు మెసేజ్ వచ్చింది. మొదట నమ్మలేదు. తర్వాత నమ్మిన సోమనాథ్‌కు పోలీసులు షాక్ ఇచ్చారు. ఆన్‌లైన్ బెట్టింగ్ ఆడకూడదని చెప్పాల్సిన పోలీసులే బెట్టింగ్‌కు పాల్పడటం వివాదం చెలరేగింది. దీనిపై స్పందించిన పోలీసు శాఖ విచారణ చేసి ఎస్సైను సస్పెండ్ చేస్తూ ఉత్తర్వులు జారీ చేసింది. తదుపరి విచారణ బాధ్యతలను డీసీపీకి అప్పగించారు.
ఇది కూడా చూడండి: Andra Pradesh: రాయలసీమ ద్రోహి ఎవరంటే?
