స్పెయిన్‌లో భారీ వర్షాలు విలయాన్ని సృష్టించాయి. ఆకస్మిక వరదలకు మృతుల సంఖ్య 158కి చేరింది. కేవలం వాలెన్సియాలోనే 155 మంది మరణించినట్లు గుర్తించారు. అనేక మంది గల్లంతైనట్లు అంచనా వేస్తున్నారు. సహాయక చర్యలు చేపట్టిన అత్యవసర బృందాలు ఇప్పటికే అనేక మందిని రక్షించగా.. కార్లు, శిథిల భవనాల్లోని మృతదేహాలను వెలికి తీసే ప్రయత్నం చేస్తున్నాయి. అలాగే, అనేక ప్రాంతాలు జల దిగ్బంధంలో చిక్కుకుపోయాయి.
మధ్యప్రదేశ్‌ బాంధవ్‌గఢ్‌ టైగర్‌ రిజర్వ్‌ ప్రాంతంలో ఏనుగులు వరుసగా మృత్యువాత పడుతున్నాయి. తాజాగా, మరో మూడు ఏనుగులు మరణించినట్లు అధికారులు గుర్తించారు. దీంతో 3 రోజుల్లోనే 10 ఏనుగులు చనిపోయాయి. విషపూరిత పదార్థాలు తీసుకోవడం వల్లే ప్రాణాలు కోల్పోయినట్లు అటవీశాఖ అధికారులు అనుమానం వ్యక్తం చేస్తున్నారు. పోస్టుమార్టం, ఫోరెన్సిక్‌ నివేదికలో వస్తేనే వెల్లడవుతాయని వెల్లడించారు.
TG: HYD హిమాయత్‌ నగర్‌లోని ఓ అపార్ట్‌మెంట్‌ 3వ అంతస్తులో అగ్నిప్రమాదం జరిగింది. ఇంటి యజమాని తాళం వేసి బయటకు వెళ్లిన సమయంలో ఈ ఘటన చోటుచేసుకుంది. అగ్నిమాపక సిబ్బంది ఘటనాస్థలికి చేరుకొని మంటలార్పారు. అలాగే, సికింద్రాబాద్‌ ఆర్పీ రోడ్‌లోని ఓ గోదాములో బాణసంచా పడటంతో మంటలు చెలరేగాయి. అగ్నిమాపక సిబ్బంది మంటలను అదుపు చేశారు. ఈ ఘటనల్లో ఎవరికీ ప్రాణ హాని జరగలేదని అధికారులు తె...
AP: తిరుపతి జిల్లా చిల్లకూరు మండలం కడివేడులో వెంకటేశ్‌ అనే వ్యక్తి దారుణ హత్యకు గురయ్యాడు. యువకుడి కళ్లలో కారం కొట్టి కర్రలు, రాడ్లతో దుండగులు దాడి చేసి చంపారు. పాత కక్షల కారణంగానే యువకుడిని హత్య చేసినట్లు పోలీసులు అనుమానం వ్యక్తం చేస్తున్నారు. కేసు నమోదు చేసుకొని దర్యాప్తు చేస్తున్నారు.
AP: కాకినాడ జిల్లాలో దారుణ ఘటన చోటుచేసుకుంది. కాజులూరు మండలం సలపాకలో రెండు వర్గాలు కత్తులతో దాడి చేసుకోవడంతో ముగ్గురు మృతిచెందారు. పాత కక్షలతో ఇరువర్గాలు దాడి చేసుకున్నట్లు తెలుస్తోంది. విషయం తెలుసుకున్న పోలీసులు ఘటనాస్థలానికి చేరుకొని దర్యాప్తు చేపట్టారు. ఈ ఘటనకు సంబంధించి పూర్తి వివరాలు తెలియాల్సి ఉంది.
ముంబాయిలోని ఓ వ్యాపారవేత్తను రూ.10 కోట్లు ఇవ్వాలని బెదిరింపులకు పాల్పడ్డారు. దాంతో బాధితుడు రూ.55 లక్షలు చెల్లించాడు. అయినప్పటికీ వేధింపులు ఆగకపోవడంతో పోలీసులకు ఫిర్యాదు చేశాడు. ఈ వ్యవహరంపై స్పందించిన పోలీసులు బాంద్రాలో ఉన్న ఛోటారాజన్ గ్యాంగ్‌కు చెందిన ఐదుగురిని అరెస్ట్ చేసినట్లు వెల్లడించారు.
AP: కృష్ణాజిల్లా కొండాయపాలెంలో విషాదం చోటుచేసుకుంది. కారు కాలువలోకి దూసుకెళ్లడంతో ఇద్దరు మృతి చెందారు. విషయం గమనించిన స్థానికులు కారులో ఉన్న మిగతావారిని రక్షించారు. సమాచారం అందుకున్న పోలీసులు సంఘటన స్థలానికి చేరుకొని క్షతగాత్రులను ఆసుపత్రికి తరలించారు. ప్రమాదం ఎలా జరిగింది అనే దానికి ఆరా తీస్తున్నారు.
కృష్ణా: మండవల్లి మండలంలోని అయ్య వారిరుద్రవరం గ్రామ శివారులో జూదం ఆడుతున్న ఇద్దరు వ్యక్తులను, భైరవపట్నంలో కోడి పందాలు ఆడుతున్న ఐదుగురు వ్యక్తులను అరెస్టు చేసినట్లు SI రామచంద్రరావు తెలిపారు. అయ్యవారి రుద్రవరంలో రూ.6,420 నగదు, కోడీపందెం వేస్తున్న వారి వద్ద నుంచి రూ.5,200 నగదు స్వాధీనం చేసుకున్నట్లు ఆయన చెప్పారు. నిందితులపై కేసు నమోదు చేసినట్లు ఎస్ఐ తెలిపారు.
TG: రాష్ట్రంలో దారుణ ఘటన చోటుచేసుకుంది. నలుగురు బాలురు బాలికపై లైంగిక దాడి చేశారు. ఈ ఘటన వికారాబాద్ జిల్లాలోని దోమ పీఎస్ పరిధిలో జరిగింది. కాగా, బాలిక కుటుంబ సభ్యులు పీఎస్‌లో ఫిర్యాదు చేశారు. దీంతో పోలీసులు బాలికపై అఘాయిత్యం చేసిన వారిని అదుపులోకి తీసుకున్నట్లు తెలుస్తుంది. ఈ ఘటనకు సంబంధించిన పూర్తి వివరాలు తెలియాల్సి ఉంది.
జార్ఖండ్‌లోని బొకారోలో ఘోర ప్రమాదం చోటు చేసుకుంది. టపాసుల దుకాణాల్లో అగ్నిప్రమాదం జరిగింది. 50కి పైగా బాణసంచా షాప్‌లు అగ్నికి ఆహుతి అయ్యాయి. ప్రమాదంలో పలువురికి తీవ్రగాయాలయ్యాయి. స్థానికులు ఫైర్ సిబ్బందికి సమాచారం అందించడంతో సంఘటన స్థలానికి చేరుకొని మంటలు ఆర్పే ప్రయత్నం చేస్తున్నారు.
TG: గంజాయి అమ్ముతున్న ముగ్గురు వ్యక్తులను హైదరాబాద్‌లోని ఉప్పల్ ఎక్సైజ్ పోలీస్ స్టేషన్ పరిధిలో అరెస్ట్ చేశారు. ఉప్పల్ శాంతినగర్ మై ఫీల్ రెస్టారెంట్ ప్రాంతంలో ఒరిస్సాకు చెందిన సుమన్ పాల్, అశోక్ బిస్వాస్, బిపుల్ బిస్వాస్ గంజాయి అమ్మకాలు జరుపుతున్నారని విశ్వసనీయ సమాచారం అందింది. ఈ మేరకు ఎస్టీఎఫ్ టీమ్ దాడి చేయగా 3.8 కేజీల ఎండు గంజాయి పట్టుబడింది. వారి వద్ద నుంచి మూడు సెల్ ఫోన్లు, జైలో కారును స...
VZM: మెరకముడిదాం మండలం బుధరాయవలసకు చెందిన కాంక్రీట్ లేబర్‌గా పనిచేస్తున్న ఎలకల జోగి నాయుడు (40) గురువారం మధురవాడ మొగదారమ్మ కాలనీ సమీపంలోని ఉన్న కాలువలో పడి మృత చెందాడు. పండగ పూట మద్యం మత్తులో కాలువలో పడి మృతి చెంది ఉంటాడని స్థానికులు భావిస్తున్నారు. పోలీసులు ఘటనా స్థలానికి చేరుకొని వివరాలు సేకరిస్తున్నారు.
ELR: ఏలూరులోని తూర్పు వీధి గౌరీ దేవి గుడి వద్ద ఇద్దరు వ్యక్తులు ద్విచక్ర వాహనంపై ఉల్లిపాయ బాంబులు తీసుకెళ్తుండగా ద్విచక్ర వాహనం అదుపుతప్పి గోతుల పడగా బాంబులు పేలి బండిపై వెనకాల కూర్చున్న సుధాకర్ అనే వ్యక్తి అక్కడక్కడ మృతి చెందాడు. చుట్టుపక్కల ఉన్న మరో ఐదుగురు వ్యక్తులు తీవ్ర గాయాలు పాలయ్యారు. పోలీసులు విచారణ చేపట్టారు.
ELR: ఉంగుటూరు జాతీయ రహదారి వద్ద గురువారం జరిగిన రోడ్డు ప్రమాదంలో ఒక వ్యక్తి తీవ్రంగా గాయపడ్డారు. నారాయణపురం నుండి ఉంగుటూరు వెళుతుండగా వెనక నుంచి ఒక వాహనం ఢీ కొంది. ఈ ప్రమాదంలో గుర్తు తెలియని వ్యక్తి తీవ్ర గాయాలు కాగా, అతనిని హైవే అంబులెన్స్‌లో ఏలూరు ప్రభుత్వ ఆసుపత్రికి తరలించారు. పూర్తి వివరాలు తెలియ రావలసి ఉంది.
ATP: అనంతపురం హౌసింగ్ బోర్డు కాలనీకి చెందిన ప్రభాకర్ కుమారుడు డీ. భరత్ తేజ అదృశ్యమయ్యాడు. ఇవాళ ఉదయం 11 గంటలకు ఇంట్లో నుంచి వెళ్లిపోయి, తిరిగి రాలేదు. దీంతో కుటుంబ సభ్యులు రెండో పట్టణ పోలీస్ స్టేషన్లో ఫిర్యాదు చేశారు. ఆచూకీ తెలిసిన వారు అనంతపురం 2 టౌన్ సీఐ 9440796806, ఎస్ఐ 9346917119 నంబర్లకు తెలపాలని కోరారు.
