వెనెజులాలో (Venezuela) ఘోర ప్రమాదం జరిగింది. 17 వాహనాలు ఒకదానికొకటి ఢీ కొనడంతో ఆ ప్రాంతంలో భారీగా మంటలు చెలరేగాయి. ఈ ఘోర ప్రమాదంలో 16 మంది దుర్మరణం చెందారు. మరికొందరికి తీవ్ర గాయాలు అయ్యాయి. పోలీసుల కథనం మేరకు..వెనెజులాలోని ఓ హైవేపై ఈ ప్రమాదం చోటుచేసుకుంది. ముందుగా ఓ ట్రక్కు అతివేగంగా వెళ్తూ అనేక కార్లను ఢీ కొట్టడంతో ఈ దారుణం జరిగినట్లు పోలీసులు వెల్లడించారు.
చదవండి: Bakeryలో పేలిన గ్యాస్ సిలిండర్..డేంజర్ జోన్లో ఆరుగురు
ఓ బస్సు, పలు కార్లు సహా మొత్తం 17 వాహనాలు ఒకదానికొకటి ఢీకొని మంటల్లో చిక్కుకున్నాయి. ఈ ప్రమాదంలో ఇప్పటి వరకూ 16 మంది ప్రాణాలు కోల్పోగా మరో ఆరుగురు తీవ్రంగా గాయపడినట్లు అధికారులు వెల్లడించారు. సమాచారం అందుకున్న పోలీసులు వెంటనే ఘటనా స్థలికి చేరుకొని సహాయక చర్యలు చేపట్టారు. గాయాలపాలైన వారిని చికిత్స నిమిత్తం స్థానిక ఆసుపత్రికి తరలించినట్లు తెలిపారు. ప్రమాద తీవ్రత ఎక్కువగా ఉందని, ఈ నేపథ్యంలో మృతుల సంఖ్య మరింత పెరిగే అవకాశం ఉందని అధికారులు ప్రకటించారు.
