కృష్ణా: కైకలూరు నియోజకవర్గంలో కూరగాయల ధరలు ఆకాశాన్ని అంటుతున్నాయని ప్రజలు వాపోయారు. రోజురోజుకు కూరగాయల ధరలు పెరుగుతుండటంతో వినియోగదారులు బెంబేలెత్తున్నారన్నారు. 2వ తేదీ నుంచి కార్తీకమాసం ప్రారంభమవుతుండటంతో కూరగాయల ధరలకు మరింత రెక్కలు వస్తాయేమోనని ఆందోళన వ్యక్తం చేశారు. మండవల్లి, ముదినేపల్లి, కైకలూరు, కలిదిండిలో బయట వ్యాపారుల వద్ద కూరగాయల ధరలు మండిపోతున్నాయి.
