గ్రహణ సమయంలోనూ ఈ ఆలయం మూసివేయరు తెలుసా?

పంచాంగం ప్రకారం, మే 5 వైశాఖ పూర్ణిమ. ఈ రోజున చంద్రగ్రహణం కూడా ఏర్పడుతుంది. ఈసారి చంద్రగ్రహణం రాత్రి 8:44 గంటలకు ప్రారంభమై అర్ధరాత్రి 1:20 గంటలకు ముగుస్తుంది. ఈ గ్రహణం 4 గంటల 15 నిమిషాల పాటు ఉంటుంది. ఆ చంద్రగ్రహణం భారతదేశంలో కనిపించదు. జ్యోతిష్యుల ప్రకారం గ్రహణం కనిపించకపోతే సూతకం జరగదని మత విశ్వాసం. అయితే గ్రహణ సమయంలో జాగ్రత్తలు తీసుకోవాలి. ముఖ్యంగా, గర్భిణీ స్త్రీలు ప్రత్యేక శ్రద్ధ వహించాలి. సాధారణంగా సూర్య, చంద్ర గ్రహణాల సమయంలో అన్ని దేవాలయాల తలుపులు మూసి ఉంటాయి. కానీ మీకు తెలుసా, గ్రహణం సమయంలో కూడా, కాళహస్తిలోని కాళహస్తీశ్వర దేవాలయం తలుపులు తెరిచి ఉంటాయి. అరే, ఈ దేవాలయం ప్రత్యేకత ఏమిటి? గ్రహణం సమయంలో ఇతర ఆలయాలు ఎందుకు మూసివేయబడతాయి, మహాకాళ దేవాలయం ఎందుకు తెరసి ఉంచుతారో ఓసారి తెలుసుకుందామా…

దేవాలయాలు తలుపులు ఎందుకు మూసేస్తాయి?
దేవాలయాలు ఆధ్యాత్మిక వైద్య కేంద్రాలు. బాధితులకు ఓదార్పు కేంద్రాలు. మానవ మనస్సును దైవిక అంశంతో మిళితం చేయగల రంగాలు. ఆలయాన్ని, ముఖ్యంగా గర్భగుడిని నిర్మించేటప్పుడు ప్రత్యేక రేఖాగణితాన్ని ఉపయోగిస్తారు. ఇది ఆ ప్రదేశంలో శక్తి ప్రవాహాన్ని పెంచుతుంది. ఈ శక్తి ప్రవాహం వల్లనే భక్తులు ఆలయంలోపల తమలోని దైవత్వాన్ని అనుభవించగలుగుతారు. కానీ, గ్రహణం సమయంలో, గర్భగుడిలోని దేవతా విగ్రహం చుట్టూ ఉన్న ప్రకాశం కొంతవరకు చెదిరిపోతుంది. సూర్యుడు మరియు చంద్రుడు గ్రహణం సమయంలో అసాధారణ ప్రతికూల శక్తిని విడుదల చేయడమే దీనికి కారణం. గ్రహణం సమయంలో ఆలయ తలుపు మూసివేస్తారు, తద్వారా ఈ శక్తి ఆలయాన్ని నింపే సానుకూల శక్తి ప్రవాహానికి భంగం కలిగించదు.  గ్రహణం తరువాత, ఆలయం లోపల ఉన్న విగ్రహంతో సహా మొత్తం ప్రాంగణాన్ని శుభ్రం చేస్తారు.

కాళహస్తి దేవాలయం తలుపు ఎందుకు మూసివేయలేదు?
గ్రహణం సమయంలో అన్ని ఆలయాల తలుపులు మూసి ఉన్నప్పటికీ, కాళహస్తిలోని కాళహస్తేశ్వరాలయం మాత్రమే తెరిచి ఉంటుంది. దీనికి కారణం ఏమిటి?
హిందూ విశ్వాసం ప్రకారం, సూర్యుడు, చంద్రులను రాహు కేతువులు మింగినప్పుడు భూమిపై గ్రహణం ఏర్పడుతుంది. అయితే, కాళహస్తి ఆలయం ప్రధానంగా రాహు, కేతువులతో సంబంధం కలిగి ఉంటుంది. అలా ఇక్కడ గ్రహణం సందర్భంగా శ్రీ కాళహస్తేశ్వర స్వామికి అభిషేకం, భక్తులకు రాహుకేతు పూజలు కొనసాగుతాయి. ప్రజలు గ్రహణం సమయంలో ఎటువంటి పూజలు చేయకుండా అనేక ఆచారాలను పాటిస్తారు. కానీ గ్రహణ కాలంలో రాహుకేతువును, దాని కారకుడిని పూజించడం వల్ల గ్రహణ ప్రతికూల ప్రభావాలు తమపై పడవని వారి నమ్మకం. అలాగే, వారి జాతకంలో రాహు, కేతు సంబంధిత దోషాలు ఉన్నవారు కూడా ప్రత్యేకంగా గ్రహణ సమయంలో ఈ ఆలయాన్ని సందర్శించి రాహుకేతు పూజ చేస్తారు.