ఏపీ సీఐడీ (Ap CID)కి సుప్రీం కోర్టు షాకిచ్చింది. స్కిల్ డెవలప్‌మెంట్ స్కామ్ కేసు (Skill developement scam case)లో టీడీపీ (TDP) అధినేత చంద్రబాబుకు రెగ్యులర్ బెయిల్ మంజూరైన సంగతి తెలిసిందే. అయితే ఈ కేసులో బాబు బెయిల్‌ను రద్దు చేయాలని ఏపీ ప్రభుత్వం సుప్రీంలో పిటీషన్ వేసింది. తాజాగా ఆ పిటీషన్‌పై విచారించిన సుప్రీం డిసెంబర్ 8వ తేదిక విచారణను వాయిదా వేసింది. అలాగే చంద్రబాబు రాజకీయ ర్యాలీలు, సభలు, సమావేశాల్లో పాల్గొనవచ్చని సుప్రీం (Supreme Court) అనుమతులు ఇచ్చింది.
చదవండి: APలో 12 సబ్ స్టేషన్ పనులను ప్రారంభించిన సీఎం జగన్
బాబు ఎటువంటి రాజకీయ కార్యక్రమాల్లో పాల్గొనకూడదని, ప్రసంగించకూడదని సీఐడీ (Ap CID) అభ్యర్థించినప్పటికీ దానిని తోసిపుచ్చుతూ సుప్రీం అనుమతులు ఇచ్చింది. దీంతో బాబుకు భారీ ఊరట లభించింది. అలాగే స్కిల్ స్కామ్ కేసుకు సంబంధించి మాత్రమే బాబు బహిరంగంగా వ్యాఖ్యలు చేయకూడదని తెలిపింది. ఇరు పక్షాల వాదనలు విన్న సుప్రీం ధర్మాసనం బాబుకు రాజకీయ కార్యకలాపాల్లో పాల్గొనేందుకు అనుమతి ఇవ్వడంతో టీడీపీ (TDP) వర్గాల్లో సంబరాలు నెలకొన్నాయి.
చదవండి: Tirumalaను హిందూ రాష్ట్రంగా ప్రకటించండి: రమణ దీక్షితులు
చంద్రబాబు బెయిల్ (Chandrababu Bail) రద్దుకు సంబంధించి గత వారం పిటిషన్ వేసిన ఏపీ సీఐడీ నేడు సుప్రీం కోర్టులో తమ వాదనలు వినిపించింది. రాష్ట్ర ప్రభుత్వం దాఖలు చేసిన పిటిషన్‌పై జస్టిస్ బేలా ఎం త్రివేది, జస్టిస్ సతీష్ చంద్ర శర్మ ధర్మాసనం విచారణ చేపట్టారు. ఇరువురి వాదనలు విన్న సుప్రీం కోర్టు (Supreme Court) ఈ విచారణను డిసెంబర్ 8వ తేదికి వాయిదా వేసింది. చంద్రబాబు ర్యాలీలు, సభలు, రాజకీయ కార్యక్రమాలు చేసుకోవచ్చని వెల్లడించింది.
