ఆంధ్రప్రదేశ్ (Andra pradesh) రాష్ట్ర శాసన మండలిలో మరో 7 ఎమ్మెల్సీ స్దానాలకు నోటిఫికేషన్ జారీ అయ్యింది. ఎమ్మెల్సీలు నారా (Nara lokesh) లోకేశ్, బచ్చుల అర్జునుడు, డొక్కా మాణిక్యవరప్రసాద్, గంగుల ప్రభాకర్ రెడ్డి, పెన్మత్స సూర్యనారాయణరాజు, చల్లా భగీరథరెడ్డి, పోతుల సునీతల పదవీకాలం ఈ నెల 29తో ముగియనుంది. వీరిలో చల్లా భగీరథరెడ్డి గతేడాది నవంబరులో కన్నుమూయగా, బచ్చుల అర్జునుడు కొన్నిరోజుల కిందటే మృతి చెందారు. ఈ నేపథ్యంలో, మొత్తం 7 ఎమ్మెల్సీ స్థానాల ఎన్నికలకు నేడు నోటిఫికేషన్ విడుదల చేశారు. ఎమ్మెల్సీ అభ్యర్థుల ఎన్నికకు సంబంధించి రాష్ట్ర శాసనమండలి సంయుక్త కార్యదర్శి, ఎన్నికల రిటర్నింగ్ అధికారి సుబ్బారెడ్డి సోమవారం నోటిఫికేషన్ ఇచ్చారు. ఏపీ శాసన మండలిలో ఎమ్మెల్యే కోటా ఎమ్మెల్సీ అభ్యర్థుల ఎన్నికకు సంబంధించి ఫారమ్-1 ద్వారా ఎన్నికల ప్రకటన చేశారు.
చదవండి : ‘దసరా’ సాంగ్ ప్రోమో రిలీజ్
ఎమ్మెల్సీ అభ్యర్థిగా నామినేషన్ (nomination) దాఖలు చేసే అభ్యర్థులు స్వయంగా లేదా వారి ప్రతిపాదకుడి ద్వారా వెలగపూడిలోని రాష్ట్ర అసెంబ్లీ భవనంలో రిటర్నింగ్ అధికారి (Returning Officer)వద్ద లేదా సహాయ రిటర్నింగ్ అధికారి, శాసనమండలి ఉప కార్యదర్శికి నామినేషన్లను సమర్పించవచ్చని సుబ్బారెడ్డి (Subbareddy) తెలిపారు. ఈ నెల 7 నుంచి (మంగళవారం) నుంచి ఉదయం 11 గంటల నుంచి మధ్యాహ్నం 3 గంటల వరకు నామినేషన్లు స్వీకరిస్తామని సుబ్బారెడ్డి తెలిపారు. ఈ నెల 14న ఉదయం 11గంటలకు అసెంబ్లీ భవనంలో నామినేషన్ల పరిశీలన జరుగుతుందని వెల్లడించారు. ఈ నెల 16న మధ్యాహ్నం 3 గంటల వరకు నామినేషన్ల ఉసంహరణకు గడువు ఉంటుందన్నారు. ఆ గడువు లోగా ఎవరైనా అభ్యర్థులు వారి నామినేష్లనను ఉపసంహరించుకోవచ్చని తెలిపారు. ఎమ్మెల్సీ ఎన్నికలకు ఈ నెల 23న ఉదయం 9 గంటల నుంచి సాయంత్రం 4 గంటల వరకు అసెంబ్లీలో పోలింగ్ (Pollinig) జరుగుతుందని.. పోలింగ్ ప్రక్రియ పూర్తయిన వెంటనే అదే రోజు సాయంత్రం 5 గంటలకు ఓట్ల లెక్కింపు జరుగుతుందని సుబ్బారెడ్డి వివరించారు.
చదవండి : మహిళలకు గుడ్ న్యూస్… మార్చి8న వడ్డీ లేని రుణాలు
