AP: అనంతపురం జిల్లాలో నిన్న జరిగిన ఘోర రోడ్డు ప్రమాదంపై వైసీపీ అధినేత జగన్ దిగ్భ్రాంతి వ్యక్తం చేశారు. ఈమేరకు వైసీపీ రాష్ట్ర కార్యాలయం ఓ ప్రకటన విడుదల చేసింది. తలగాసిపల్లె వద్ద ఆటోను ఆర్టీసీ బస్సు ఢీకొన్న ఘటనలో ఏడుగురు మృతి చెందారు. ఈ ప్రమాదంలో మృతి చెందిన వారి కుటంబాలకు జగన్ ప్రగాఢ సంతాపం తెలిపారు. బాధిత కుటుంబాలను ఆదుకోవాలని విజ్ఞప్తి చేశారు. గాయపడిన వారికి మెరుగైన వైద్యం అందించడానికి అవసరమైన సాయం అందజేయాలని కోరారు.
