SKLM: బూర్జ మండలం తోటవాడ గ్రామానికి చెందిన కొత్తకోట హరీశ్ (25) అనే యువకుడు పాము కాటుకు గురై మృతి చెందినట్లు కుటుంబ సభ్యులు తెలిపారు. శుక్రవారం ఉదయం వ్యవసాయ పంట కోతలు జరుగుతున్న సమయంలో చేను కోస్తుండగా పాము కాటు వేయడంతో పాలకొండ ఆసుపత్రికి తరలించినప్పటికీ మార్గ మధ్యలో హరీష్ మృతి చెందినట్లు వైద్యులు ధ్రువీకరించారు. యువకుడి మృతితో ఆ కుటుంబంలో విషాదం నెలకొంది.
