ఇరాన్ సైనిక స్థావరాలే లక్ష్యంగా ఇజ్రాయెల్ ప్రతీకార దాడులు చేసిన విషయం తెలిసిందే. ఈ నేపథ్యంలో ఇజ్రాయెల్పై ప్రతిదాడికి సిద్ధంగా ఉండాలని ఇరాన్ సుప్రీం లీడర్ అయతొల్లా అలీఖమేని తమ బలగాలను ఆదేశించినట్లు తెలుస్తోంది. ఈ మేరకు టెహ్రాన్ దళాలు ఇజ్రాయెల్కు చెందిన సైనిక స్థావరాల జాబితాను రూపొందిస్తున్నట్లు సమాచారం. కాగా, ఇజ్రాయెల్ దాడులకు ప్రతిస్పందన తీవ్రంగా ఉంటుందని ఇరాన్ ఇటీవల వెల్లడించింది.
