ప్రస్తుత కాలంలో ఏదైనా వస్తువును అమ్మాలంటే మార్కెటింగ్(marketing) చాలా ముఖ్యం. మార్కెటింగ్ లేకుండా ఏదైనా ఉత్పత్తిని వినియోగదారులకు పరిచయం చేయడం చాలా కష్టమనే చెప్పవచ్చు. అయితే అనేక కంపెనీలు సైతం దీనికి అత్యధిక ప్రాధాన్యత ఇస్తున్నాయి. వినియోగదారులు(customers) తమ ఉత్పత్తులను గుర్తుంచుకునేలా ఉత్పత్తిని ఎలా ప్రభావితం చేయాలి. తమ ఉత్పత్తుల సేల్స్ ను ఎలా పెంచాలనే దానిపై కసరత్తు చేసి పలు రకాల యాడ్స్, ప్రకటనల ద్వారా వారి ఉత్పత్తులను ప్రజల్లోకి తీసుకెళతారు. అంతేకాదు తమ కంపెనీ వస్తువులు ఎక్కువ మంది ప్రజలకు చేరువయ్యేందుకు ప్రతి నెల కొన్ని కోట్ల రూపాయలు ప్రకటనల కోసం ఖర్చు చేస్తుంటారు.
చదవండి: Adani Group: ఒక్క నెలలోపే రూ.11 లక్షల కోట్లు అవుట్..ఆ నివేదికనే కారణమా!
ఇదిలా ఉండగా పలువురు లోకల్ సెల్లర్స్(sellers) మాత్రం కొన్ని ఉత్పత్తులను ప్రత్యేకంగా సేల్ చేస్తున్న విధానం ప్రస్తుతం సోషల్ మీడియాలో వైరల్ అవుతుంది. ఓ విక్రేత రెండు ప్లాస్టిక్ టబ్‌(plastic tub)లను రోడ్లపై తిరుగుతూ అమ్ముతున్న విధానం నెటిజన్లను ఆకట్టుకుంటుంది. తాను తిరుగుతూ అమ్మే క్రమంలో ఆ టబ్బుల(tubs)ను నెల మీద కింద వేసి గట్టిగా కొట్టడం, ఆ ప్లాస్టిక్ టబ్బులను దగ్గరకు ఒత్తుతూ పగలవి అరుస్తూ అమ్ముతున్న విధానం సూపర్ అని పలువురు అంటున్నారు. ఈ వీడియో చూసిన పలువురు వీళ్లే మాములు వ్యక్తులు కాదని కామెంట్లు చేస్తున్నారు. ఈ వీడియోను ఓ ఐపీఎస్(IPS) అధికారి దీపాంశు కబ్రా తన ట్విట్టర్‌ ఖాతాలో పోస్ట్ చేయడంతో ఈ వీడియో నెట్టింట చక్కర్లు కోడుతుంది. ఈ క్రేజీ వీడియోపై మీరు కూడా ఓ లుక్కేయండి మరి.
#Marketing Level – Ultra Pro Max +++ 😅 pic.twitter.com/z3OHnVAJqo
— Dipanshu Kabra (@ipskabra) February 21, 2023
మరోవైపు స్టార్ వార్స్ ఉపయోగించే కత్తి లాంటి ఆయుధాలను పోలిన వాటిని ఓ వ్యక్తి అమ్ముతున్న విధానం కూడా ఆకర్షిస్తుంది. వచ్చిన వారికి ఆ వ్యక్తి వాటిని ప్రదర్శించి చూపుతున్న తీరు ఫన్నీగా అనిపిస్తుంది.
View this post on Instagram
ఇంకోవైపు పండ్లు అమ్ముతున్న ఓ వ్యక్తి పుచ్చకాయ, బొప్పాయిలను వినూత్న ఆకారాల్లో కట్ చేసి అరుపులు చేస్తూ అమ్ముతున్నాడు. అంతేకాదు ఫన్నీగా ముఖంలో ఎక్స్ ప్రెషన్స్ పెడుతూ వినియోగదారులను ఆకర్షిస్తున్నాడు. ఈ వీడియోలు ప్రస్తుతం సోషల్ మీడియాలో వైరల్ అవుతున్నాయి. ఆసక్తికరంగా ఉన్న ఈ వీడియోలను మీరు కూడా చూడండి.
