పారిస్ ఒలింపిక్స్లో భారత స్టార్ షూటర్ మను బాకర్ రెండు పతకాలు సాధించిన విషయం తెలిసిందే. అయితే ఈ క్రీడల్లో ఆమె వాడిన పిస్టల్ ధర రూ.కోటికి పైగా ఉంటుందని నెట్టింట చర్చ నడుస్తోంది. తాజాగా ఈ వార్తలపై బాకర్ స్పందించింది. “కోట్ల రూపాయలా? అంత ఊహించుకోకండి. అది రూ.1.5 లక్షల నుంచి 1.85 లక్షల వరకు ఉండొచ్చు. మోడల్ను బట్టి ధర మారుతూ ఉంటుంది. మనం ఒక స్థాయికి వచ్చాక కొన్ని కంపెనీలు ఉచితంగా కూడా ఇస్తాయి” అని పేర్కొంది.
