ఐపీఎల్(IPL) 16వ సీజన్‌లో భాగంగా నేడు 11వ మ్యాచ్ జరిగింది. రాజస్థాన్ రాయల్స్(Rajasthan Royals), ఢిల్లీ క్యాపిటల్స్(Delhi capitals) మధ్య జరిగిన ఈ మ్యాచ్ లో రాజస్థాన్ రాయల్స్ ఘన విజయం(Victory) సాధించింది. మొదట టాస్ గెలిచి ఢిల్లీ క్యాపిటల్స్ బౌలింగ్ ఎంచుకుంది. బరిలోకి దిగిన రాజస్థాన్ రాయల్స్ బ్యాటర్లు చెలరేగారు. 4 వికెట్ల నష్టానికి 199 పరుగుల భారీ స్కోర్ చేశారు. ఓపెనర్లు జోస్ బట్లర్ 79 పరుగులు చేశాడు. యశస్వీ జైస్వాల్ 60 రన్స్ చేశాడు.
దంచి కొట్టిన యశస్వీ జైస్వాల్:
ఢిల్లీ(Delhi capitals) బౌలర్లలో ముఖేశ్ కుమార్ రెండు వికెట్లు తీయగా ఆ తర్వాత కుల్దీప్ యాదవ్, రోవ్ మన్ పావెల్ చెరో వికెట్ పడగొట్టారు. ఢిల్లీ బౌలర్లు, బ్యాటర్లు అన్నింటా విఫలమవుతూ వచ్చారు. రాజస్థాన్ రాయల్స్(Rajasthan Royals) జట్టును కట్టడి చేయలేకపోయారు. నిర్ణీత 20 ఓవర్లకు రాజస్థాన్ రాయల్స్ జట్టు 199 పరుగులు చేయగా ఢిల్లీ క్యాపిటల్స్ జట్టు నిర్ణీత 20 ఓవర్లకు 9 వికెట్ల నష్టానికి 142 పరుగులు మాత్రమే చేయగలిగింది. దీంతో రాజస్థాన్ రాయల్స్ చేతిలో ఢిల్లీ జట్టు ఘోరంగా ఓడిపోయింది.
చదవండి: IPL 2023 : సీఎస్కే మ్యాచ్తో సచిన్ కొడుకు ఎంట్రీ
ప్రస్తుతం ఐపీఎల్ సీజన్ లో రాజస్థాన్ రాయల్స్ 3 మ్యాచులు ఆడగా రెండు మ్యాచుల్లో విజయం సాధించింది. ఢిల్లీ క్యాపిటల్స్ మూడు మ్యాచుల్లోనూ ఓటమిని చవిచూసింది. ఢిల్లీ క్యాపిటల్స్(Delhi capitals) అన్ని రకాలుగా విఫలం అవుతుండటంతో అభిమానులు నిరుత్సాహం వ్యక్తం చేస్తున్నారు. డేవిడ్ వార్నర్ కెప్టెన్సీపై మీమ్స్, కామెంట్స్ చేస్తున్నారు.
