AP: విశాఖలో బ్యాడ్మింటన్ అకాడమీ నిర్మాణానికి క్రీడాకారిణి పీవీ సింధు భూమిపూజ చేశారు. నగరంలోని పెదగదిలి కూడలి సమీపంలో ప్రభుత్వం కేటాయించిన స్థలంలో అకాడమీ ఏర్పాటు చేయనున్నారు. ఈ సందర్భంగా మాట్లాడిన పీవీ సింధు.. ‘ఏడాదిలోగా అకాడమీ నిర్మాణం పూర్తి చేస్తాం. బ్యాడ్మింటన్పై ఆసక్తి ఉన్నవారిని ఉన్నత స్థాయి పోటీల్లో ప్రతిభ చూపేలా తీర్చిదిద్దడమే లక్ష్యం. అకాడమీ సామర్థ్యం, శిక్షణ వివరాలు త్వరలో వెల్లడిస్తాం’ అని తెలిపింది.
