TG: మూసీ పరివాహక ప్రాంతాల్లో ఇవాళ సాయంత్రం 4 నుంచి రేపు ఉదయం 9 గంటల వరకు బీజేపీ ముఖ్యనేతలు బస చేయనున్నారు. రాత్రి భోజనం, నిద్ర, మరుసటి రోజు అల్పాహారం అక్కడే చేయనున్నారు. 20 ప్రాంతాల్లో 20 మంది బీజేపీ నాయకులు బస చేయనున్నారు. సీఎం రేవంత్ రెడ్డి సవాల్ ను స్వీకరిస్తూ బీజేపీ ముఖ్యనేతలు బస కార్యక్రమం నిర్వహిస్తున్నట్లు సమాచారం. మూసీ పరివాహక ప్రాంతాల్లో ప్రజల సమస్యలు తెలుసుకొని మనోధైర్యం ఇవ్వనున్నారు.
