AP: శ్రీశైల మహాక్షేత్రానికి వచ్చే భక్తుల సౌకర్యార్థం దేవస్థానం ఉచిత బస్సు సౌకర్యం ప్రారంభించింది. వారాంతపు సెలవులతో పాటు పర్వదినాల్లో అధిక సంఖ్యలో శ్రీశైల క్షేత్రానికి భక్తులు తరలివస్తున్నారు. ఈ నేపథ్యంలో భక్తుల సౌకర్యార్థమై వారాంతపు రోజుల్లో శుక్రవారం సాయంత్రం 5 గంటల నుంచి సోమవారం మధ్యాహ్నం 2 గంటల వరకు గణేశ్ సదన్ నుంచి అన్న ప్రసాద భవనం మీదుగా క్యూ కాంప్లెక్స్ వరకు ఉచిత బస్సు సౌకర్యం ఉండనుంది.
