TG: సదర్ వేడుక యాదవుల ఐక్యతకు చిహ్నంగా నిలుస్తుందని ఎమ్మేల్యే తలసాని శ్రీనివాస్ యాదవ్ అన్నారు. నారాయణగూడలో యాదవ సేవా సంఘం ఆధ్వర్యంలో నిర్వహించిన సదర్ ఉత్సవాలలో ఆయన పాల్గొన్నారు. ఈ వేడుకల్లో ఆయన మాట్లాడుతూ.. అన్నివర్గాల ప్రజలు ఈ ఉత్సవాలకు అండగా ఉంటున్నారన్నారు. దీపావళి వచ్చిందంటే సదర్ సంబురాలు అంగరంగ వైభవంగా సాగుతున్నాయని తెలిపారు. ఈ సదర్ సమ్మేళనానికి ఎల్లప్పుడూ తమ సహాయ సహకారాలు ఉంటాయని తలసాని పేర్కొన్నారు.
