Sundeep kishan: ఎక్కడికి పోతావు చిన్నవాడా తర్వాత డైరెక్టర్ విఐ ఆనంద్ తెరకెక్కిస్తున్న సినిమా ఊరు పేరు భైరవకోన. ఫిబ్రవరి 9న రవితేజ ఈగల్‌, యాత్ర 2 సినిమాలతో ఊరిపేరు భైరవకోన పోటీ పడబోతోంది. ముందు నుంచి ఈ సినిమా వాయిదా పడుతుందని అనుకున్నారు. కానీ అలాంటిదేం లేదు.. అనుకున్న సమయానికే విడుదలవుతుందంటూ రీసెంట్గా క్లారిటీ ఇచ్చేశారు. ఈ మూవీ ప్రస్తుతం పోస్ట్ ప్రొడక్షన్‌ దశలో ఉంది. తాజాగా ట్రైలర్ రిలీజ్ చేశారు. దాదాపు రెండు నిమిషాల నిడివితో కట్ చేసిన ఈ ట్రైలర్.. కొత్త ప్రపంచాన్ని పరిచయం చేసేలా ఉంది.
ఇది కూడా చూడండి: Pm Modi: నేలపై నిద్ర.. అనుష్ఠాన దీక్షలో ప్రధాని
గరుడ పురాణంలోని మిస్ అయిన నాలుగు పేజీలే.. ఊరు పేరు భైరవకోన అంటూ క్యూరియాసిటీ పెంచేశారు. హీరోయిన్ వర్ష బొల్లమ్మను హీరో వర్ణించడంతో ట్రైలర్ మొదలవుతుంది. కనులతో చూసేది కొంచెమే.. గుండెల్లో లోతే కనిపించెలె.. పైపైన రూపాలు కాదులే.. లోలోన ప్రేమ చూడాలిలే అంటూ సందీప్ కిషన్ కవిత రూపంలో వర్ణిస్తాడు. ఇక్కడి నుంచి ట్రైలర్ సడెన్‌గా గరుడ పురాణంకి వెళ్లిపోతుంది. గరుడ పురాణంలో కనిపించకుండా పోయిన ఆ నాలుగు పేజీలే ఈ భైరవకోన అనే డైలాగుతో గూస్ బంప్స్ తెప్పించారు.
ఇది కూడా చూడండి: Ram Mandir : రాములోరి ప్రాణ ప్రతిష్ఠ.. జనవరి 22న ప్రభుత్వ ఆఫీసులకు హాఫ్ డే హాలిడే
శేఖర్ చంద్ర ఇచ్చిన మ్యూజిక్ బాగుంది. ముఖ్యంగా విజువల్ ఎఫెక్ట్స్‌ని చాలా బాగా డిజైన్ చేసుకున్నారు. సందీప్ కిషన్ లుక్ చాలా బాగుంది. సాంగ్స్, టీజర్‌తో అంచనాలు పెంచేసిన మేకర్స్.. ట్రైలర్‌తో రెట్టింపు చేశారు. మరి ఫాంటసీ థ్రిల్లర్‌గా తెరకెక్కిన ఊరు పేరు భైరవకోన ఎలా ఉంటుందో చూడాలి.
ఇది కూడా చూడండి: Rahul Gandhi : అస్సాంలో దేశంలోనే అత్యంత అవినీతి ప్రభుత్వం
