Is the trailer of 'Family Star' ready to be released today?
Family Star: లైగర్ సినిమా హిట్ అయి ఉంటే.. ఇంతకు మించిన రచ్చ చేసే వాళ్లు రౌడీ ఫ్యాన్స్. కానీ లైగర్ దెబ్బకు రిస్క్ చేయకుండా సినిమాలు చేస్తున్నాడు విజయ్ దేవరకొండ. చివరగా ఖుషి సినిమాతో ఫామ్‌లోకి వచ్చిన రౌడీ.. ఇప్పుడు ఫ్యామిలీ స్టార్‌గా ఆడియెన్స్ ముందుకు వస్తున్నాడు. గీతాగోవిందం కాంబినేషన్‌ను రిపీట్ చేస్తూ.. పరుశురాం దర్శకత్వంలో దిల్ రాజు నిర్మాణంలో ఫ్యామిలీ స్టార్ సినిమా చేస్తున్నాడు విజయ్. సీతారామం, హాయ్ నాన్న హిట్ జోష్‌లో మృణాల్ ఠాకూర్ హీరోయిన్‌గా నటిస్తున్న ఈ సినిమా పై మంచి అంచనాలున్నాయి. ఇప్పటికే రిలీజ్ అయిన ఫ్యామిలీ స్టార్ ప్రమోషనల్ కంటెంట్‌కి మంచి రెస్పాన్స్ వచ్చింది. టీజర్‌తో ఐరనే వంచాలా ఏంటి? అంటూ రౌడీ చేసిన రచ్చ అంతా ఇంతా కాదు.
చదవండి:Allu Arjun: సౌత్‌లో అల్లు అర్జున్‌దే ఫస్ట్ ప్లేస్!
అలాగే ఇప్పటి వరకు రిలీజ్ అయిన సాంగ్స్ కూడా చార్ట్ బస్టర్స్‌గా నిలిచాయి. ఇక ఇప్పుడు ట్రైలర్ రిలీజ్‌కు రెడీ అవుతున్నారు మేకర్స్. ఏప్రిల్ 5న ఫ్యామిలీ స్టార్ థియేటర్లోకి రానుంది. దీంతో రిలీజ్ టైం దగ్గర పడుతుండడంతో.. ట్రైలర్ రిలీజ్‌కు డేట్ లాక్ చేసినట్టుగా తెలుస్తోంది. లేటెస్ట్ బజ్ ప్రకారం.. ఫ్యామిలీ స్టార్ ట్రైలర్ ఈ మార్చ్ 25న రాబోతున్నట్టుగా సమాచారం. రేపో మాపో దీనిపై అధికారిక ప్రకటన రానుందని అంటున్నారు. ఇక్కడి నుంచి ఫ్యామిలీ స్టార్ ప్రమోషన్స్ మరింత స్పీడప్ కానుంది. ఖచ్చితంగా ఈ సినిమాతో రౌడీ మంచి విజయాన్ని తన ఖాతాలో వేసుకోవడం గ్యారెంటీ అంటున్నారు. మరి ఫ్యామిలీ స్టార్ ఏం చేస్తాడో చూడాలి.
చదవండి:Ramcharan: ‘రంగస్థలం’ కాంబో ఫిక్స్.. ఆరోజే అనౌన్స్మెంట్.. ఇంట్రో కూడా షూట్!
