Family Star: ఖుషి వంటి హిట్‌తో జోష్ మీదున్న రౌడీ హీరో విజయ్ దేవరకొండ నటిస్తున్న లేటెస్ట్ ఫిల్మ్ ఫ్యామిలీ స్టార్. ప్రముఖ టాలీవుడ్ నిర్మాత దిల్ రాజు నిర్మిస్తున్న ఈ సినిమా.. గీతా గోవిందం కాంబినేషన్‌ను రిపీట్ చేస్తోంది. విజయ్ దేవరకొండ, పరశురాం పెట్ల కాంబోలో వస్తున్న ఫ్యామిలీ స్టార్ సినిమాలో హీరోయిన్‌గా మృణాల్ ఠాకూర్ నటిస్తోంది. అయితే.. వాస్తవానికి ఈ సినిమాను సంక్రాంతికే రిలీజ్ చేయాలని భావించాడు దిల్ రాజు. కానీ షూటింగ్ కంప్లీట్ అవకపోవడంతో సమ్మర్‌లో రిలీజ్‌కు ప్లాన్ చేస్తున్నాడు. ఏప్రిల్ 5న రావాల్సిన దేవర పోస్ట్ పోన్ అవుతుందనే టాక్ నడుస్తోంది. దీంతో దేవర్ ప్లేస్‌లో దేవరకొండ రావడానికి రెడీ అవుతున్నట్టుగా వార్తలు వస్తున్నాయి.
ఇది కూడా చూడండి: IND vs ENG: నిరాశపరిచిన టీమిండియా బ్యాటర్లు..ఒకే రీతిలో ఐదుగురు ఔట్
మేకర్స్ నుంచి అఫీషియల్ అనౌన్స్మెంట్ రావడం ఒక్కటే మిగిలిందని అంటున్నారు. ఏప్రిల్ 5న ఫ్యామిలీ స్టార్ రావడం పక్కా అంటున్నారు. ఆర్ఆర్ఆర్ తర్వాత ఎన్టీఆర్ చేస్తున్న దేవర మూవీని కొరటాల శివ ఎంతో ప్రతిష్టాత్మకంగా తెరకెక్కిస్తున్నాడు. కానీ ఈ సినిమా షూటింగ్‌లో సైఫ్ అలీఖాన్‌కు గాయాలయ్యాయి. సర్జరీ కూడా జరిగింది. దీంతో షూటింగ్‌కు కాస్త బ్రేక్ పడింది. ఇదే సమయంలో ఏపీ ఎలక్షన్స్‌ కూడా వస్తున్నాయి. దీంతో దేవర వాయిదా పడే అవకాశం ఉందని ప్రచారం జరుగుతోంది.
ఇది కూడా చూడండి: Kannada Hero Darshan: హీరోయిన్‌తో స్టార్ హీరో ఎఫైర్.. భార్యకు తెలియడంతో రచ్చ?
ఇక ఇప్పుడు ఫ్యామిలీ స్టార్ రిలీజ్ డేట్ లాక్ అయిందని తెలియడంతో.. దేవర పోస్ట్ పోన్ అయినట్టేనని చెప్పాలి. అతి త్వరలోనే ఈ విషయంలో అధికారిక ప్రకటన రానుందని అంటున్నారు. అయితే.. దేవర కొత్త రిలీజ్ డేట్ ఏంటనేది? ఆసక్తికరంగా మారింది. పుష్ప2 ప్లేస్‌లో ఆగష్టు 15న దేవర రిలీజ్ అవుతుందని చెబుతున్నారు. చూడాలి మరి ఏం జరుగుతుందో!
