Did you ever know the second trailer of Kalki?
Kalki: హీరో ప్రభాస్ నటించిన కల్కీ మూవీ ప్రపంచ వ్యాప్తంగా ఆసక్తి రేపుతోంది. ఈ సినిమాకు సంబంధించిన విషయాలు రోజుకొకటి వెలువడుతున్నాయి. సినిమాపై ఆసక్తిని మరింత పెంచుతున్నాయి. ఇప్పటికే ఓ ట్రైలర్ విడుదలై.. అభిమానులను కట్టిపడేసింది. తాజాగా మరో ట్రైలర్ రిలీజ్ చేసేందుకు చిత్ర యూనిట్ సన్నాహాలు చేస్తున్నట్లు తెలుస్తోంది. నాగ్‌ అశ్విన్‌ దర్శకత్వంలో రూపుదిద్దుకున్న మైథలాజికల్ సైన్స్ ఫిక్షన్‌ మూవీ కల్కీ 2898 మరో పది రోజుల్లో విడుదల కానుంది. దీంతో చిత్ర యూనిట్ ప్రమోషన్లపై పూర్తిస్థాయి ఫోకస్ పెట్టింది. ప్రపంచంలో వివిధ భాషల్లో విడుదల చేసేందుకు సన్నాహాలు చేస్తున్నారు. జూన్ 27న ప్రపంచ వ్యాప్తంగా కల్కీ మూవీని విడుదల చేయనున్నారు. ప్రభాస్‌తో పాటు దీపికా పడుకోన్‌, మృణాల్ ఠాకుర్, అమితాబచ్చన్, కమల్ హాసన్‌, బ్రహ్మానందం, పశుపతి, దిశాపటానీ తదితరులు నటించిన ఈ సినిమాను 600 కోట్లతో నిర్మించారు.
చదవండి:sruthi hasan : కమల్‌హాసన్‌ బయోపిక్‌కి శృతి దర్శకత్వం?
వైజయంత్రి మూవీస్ పతాకంపై నిర్మితమైన కల్కీ మూవీ ట్రైలర్ కొన్ని రోజుల క్రితం విడుదలై .. హల్ చల్‌ చేసింది. అద్భుతమైన రెస్పాన్స్ రావడంతో ..చిత్ర యూనిట్ మరో ట్రైలర్ రిలీజ్ చేసేందుకు సన్నాహాలు చేస్తున్నారు. జూన్ 23వ తేదీన రెండో ట్రైలర్ విడుదల చేసేందుకు శరవేగంగా పనులు జరుగుతున్నాయి. సంతోష్ నారాయణ్ అందిన మ్యూజిక్ అద్భుతంగా వచ్చిందనే టాక్ నడుస్తోంది. మరోవైపు తెలుగు రాష్ట్రాల్లో డిస్ట్రిబ్యూటర్లకు కల్కీ సినిమాలోని కొంత భాగాన్ని చూపించినట్లు తెలుస్తోంది. మరోవైపు తమిళనాడులో డిస్ట్రిబ్యూటర్లు ఈ సినిమాను కమిషన్‌ బేస్‌ మీద రిలీజ్ చేసేందుకు సిద్ధమయ్యారు. బాహుబలి, సలార్ వంటి సినిమాల ద్వారా తమిళనాడులో కూడా ప్రభాస్ మార్కెట్ బాగా పెరిగింది. కల్కీ సినిమాకు కూడా మంచి ఓపెనింగ్స్ ఉంటాయని సినీ పరిశీలకులు భావిస్తున్నారు. గతంలో ఓపెనింగ్ డే కలెక్షన్ల రికార్డును కల్కీ సినిమా బద్దలు కొడుతుందని చాలా మంది సినీ నిపుణులు కూడా అంచనా వేస్తున్నారు.
చదవండి:Allu Arjun: అల్లు అర్జున్‌కు కష్టకాలం మొదలైందా..?
