Aashiqui 2 song at Shanghai conference held in Kyrgyzstan... Jayashankar's post viral
SCO meet: కిర్గిస్థాన్‌ వేదికగా షాంఘై సహకార సదస్సు (SCO meet) ప్రారంభమైన విషయం తెలిసిందే. ఈ సదస్సు ప్రారంభోత్సవ కార్యక్రమంలో ఓ అరుదైన ఘటన జరిగింది. భారతీయ పాట సినిమా సాంగ్‌తో (Indian song) ఈ వేడుకను ప్రారంభించారు. దీనికి సంబంధించిన వీడియోను భారత విదేశాంగ మంత్రి ఎస్. జైశంకర్‌ (S Jaishankar) తన ఎక్స్‌ ఖాతాలో పోస్ట్ చేశారు. ప్రస్తుతం ఈ వీడియో సోషల్ మీడియాలో చక్కర్లు కొడుతుంది.
చదవండి:Leo: ఓటీటీ డేట్ లాక్ చేసుకున్న లియో!
బుధవారం సాయంత్రం జరిగిన ఈ సదస్సు ప్రారంభోత్సవంలో బాలీవుడ్‌ చిత్రం ఆషికీ 2 (Aashiqui 2)లోని తుమ్‌ హి హో (Tum Hi Ho) పాటను గాయకులు లైవ్‌లో ఆలపించారు. ఆదిత్యరాయ్ కపూర్, శ్రద్దా కపూర్ హీరోహీరోయిన్లుగా నటించిన ఈ సినిమా మ్యూజికల్‌గా ఎంతో హిట్ అయిందో అందరికి తెలిసిందే. అలాంటి రోమాంటిక్ సాంగ్‌ను గాయాకులు అద్భుతంగా పాడి అందరినీ ఆకట్టుకున్నారు. కిర్గిస్థాన్‌లోని బిష్కెక్‌లో ప్రారంభమైన ఈ సదస్సుకు ప్రధానమంత్రి మోడీ తరఫున ఎస్ జైశంకర్‌ హాజరయ్యారు. ఈ సదస్సులో భాగంగా సభ్య దేశాల మంత్రులతో ఆయన ద్వైపాక్షిక సమావేశాలు జరపనున్నారు. షాంఘై సహకార సదస్సు గ్రూప్‌లో భారత్‌, చైనా, ఇరాన్‌, కజకిస్థాన్‌, కిర్గిస్థాన్‌, పాకిస్థాన్‌, రష్యా, తజకిస్థాన్‌, ఉజ్బెకిస్థాన్‌ సభ్య దేశాలుగా ఉన్నాయి.
And as the SCO meet in Bishkek starts… pic.twitter.com/WdTXUYyqmi
— Dr. S. Jaishankar (@DrSJaishankar) October 25, 2023
