Russia Ukraine War : రష్యా రాజధాని మాస్కోలో మార్చి 22న జరిగిన ఉగ్రదాడిలో ఉక్రెయిన్ హస్తం ఉందన్న వార్తలు వెలుగులోకి వస్తున్నాయి. మాస్కోలోని కచేరీ హాల్‌పై జరిగిన ఘోరమైన దాడిలో ఉక్రేనియన్ ఇంటెలిజెన్స్ ఏజెన్సీ ప్రత్యక్షంగా పాల్గొన్నట్లు రష్యా గూఢచార సంస్థ ఎఫ్ ఎస్ బీ చీఫ్ అలెగ్జాండర్ బోర్ట్నికోవ్ తెలిపారు. విచారణ ఇంకా కొనసాగుతోందని, అయితే ఈ దాడి వెనుక ఉక్రెయిన్ హస్తం ఉన్నట్లు స్పష్టమైందని అలెగ్జాండర్ చెప్పారు.
చదవండి:Gam Gam Ganesha: సెన్సార్ పూర్తి చేసుకున్న ఆనంద్ దేవరకొండ గమ్ గమ్ గణేశా
ఉక్రెయిన్ తో పాటు అలెగ్జాండర్ కూడా నాటోపై పలు ఆరోపణలు చేశారు. మధ్యప్రాచ్యం, ఉత్తర ఆఫ్రికా, ఆఫ్ఘనిస్తాన్ నుండి అంతర్జాతీయ ఉగ్రవాద సంస్థల కిరాయి సైనికులు, ఉగ్రవాదులను ఉక్రెయిన్‌కు నాటో పంపుతోందని, తద్వారా వారు అక్కడ రష్యా సైన్యంతో పోరాడగలరని ఆయన చెప్పారు. కాన్సర్ట్ హాల్‌పై దాడికి ఐఎస్ఐఎస్ ఉగ్రవాద సంస్థ కూడా బాధ్యత వహించింది. ఐఎస్‌ఐఎస్‌కి చెందిన ఆఫ్ఘన్‌ శాఖ ఐఎస్ ఖొరాసన్‌ ఈ దాడికి పాల్పడినట్లు అమెరికా నిఘా సంస్థలు అప్పట్లో వెల్లడించాయి. అయితే ఈ దాడిలో తమకు ఎలాంటి ప్రమేయం లేదని ఉక్రెయిన్ ఖండించింది.
చదవండి:MLC Kavita: ఎమ్మెల్సీ కవితా బెయిల్ పిటిషన్‌పై కౌంటర్ దాఖలు చేసిన ఈడీ
కాన్సర్ట్ హాల్‌పై దాడిలో ఐఎస్ ఖొరాసన్‌తో పాటు, ఉక్రెయిన్ ఇంటెలిజెన్స్ ఏజెన్సీ ముఖ్యమైన పాత్ర పోషించిందని అలెగ్జాండర్ చెప్పాడు. ఉక్రెయిన్ సరిహద్దుల్లో దాడికి పాల్పడిన 11 మందిని అరెస్టు చేసినట్లు దాడి అనంతరం పుతిన్ ప్రభుత్వ టెలివిజన్‌లో తెలిపారు. ఉగ్రవాదులంతా ఉక్రెయిన్‌కు పారిపోయేందుకు ప్రయత్నిస్తున్నారు. మార్చి 22, 2024న, ఉగ్రవాదుల బృందం మాస్కో కచేరీ హాలుపై దాడి చేసింది. ఈ దాడి రష్యా చరిత్రలోనే అత్యంత భయంకరమైన దాడి. అధ్యక్షుడు వ్లాదిమిర్ పుతిన్ తన ఐదవ పదవీకాలాన్ని ప్రారంభించే కొద్ది రోజుల ముందు ఈ దాడి జరిగింది. ఇందులో 145 మంది మరణించారు.. 500 మందికి పైగా గాయపడ్డారు. ఈ దాడికి ప్లాన్ చేసి ఉగ్రవాదులకు సహాయం చేసిన 20 మందికి పైగా వ్యక్తులను ఎఫ్‌ఎస్‌బి ఇప్పటివరకు అరెస్టు చేసింది.
