పవర్ స్టార్, జనసేన అధినేత పవన్ కళ్యాణ్… ఇద్దరు కన్నడ హీరోలకు క్షమాపణలు చెప్పారు. పవన్ ఏంటి..? కన్నడ హీరోలకు క్షమాపణలు చెప్పడం ఏంటి..? అనే ఆశ్చర్యపోతున్నారా..? దానికి కారణం లేకపోలేదు.
ఇంతకీ మ్యాటరేంటంటే…. ఇప్పటికే పవన్… ఓ వైపు సినిమాలు, మరో వైపు రాజకీయాలతో బిజీగా గడుపుతున్నారు. ఈ క్రమంలో ఆయన వేరే ఇతర కార్యక్రమాల్లో పాల్గొనలేకపోతున్నారు. ఈ కారణంగా ప్రముఖ కన్నడ స్టార్స్ ఉపేంద్ర , కిచ్చ సుదీప్‌ కి పవర్ స్టార్ క్షమాపణలు చెప్పారు.
‘‘ఆడియో ఫంక్షన్‌కి నన్ను ముఖ్య అతిథిగా ఆహ్వానించినందుకు ‘కబ్జా’ టీమ్‌కి హృదయపూర్వక ధన్యవాదాలు. అయితే, రాజకీయపరంగా ముందుగా ఏర్పాటు చేసుకున్న కార్యక్రమాల వల్ల ఈ ఈవెంట్‌కి హాజరుకాలేకపోతున్నాను. దీనికి నేను చాలా బాధపడుతున్నాను. ఇక హీరోలు ఉపేంద్ర, సుదీప్‌కు నా ప్రత్యేక శుభాకాంక్షలు. వారు వెరైటీ పాత్రలు పోషిస్తూ వివిధ భాషల్లో గుర్తింపు సాధించారు. ఈ సినిమా సూపర్ హిట్ కావాలని మనస్ఫూర్తిగా కోరుకుంటున్నాను. ఆర్ చంద్రు ఈ చిత్రంతో మరో బ్లాక్ బస్టర్‌ని సాధించాలి. నిర్మాత శ్రీరామ చంద్ర గౌడ, సంగీత దర్శకులు రవి బస్రూర్, ఇతర మూవీ టీంకి నా శుభాకాంక్షలు’’ అని పవన్ ఓ ప్రకటన విడుదల చేశారు.
