ప్రస్తుతం డైనమిక్ అండ్ డాషింగ్ డైరెక్టర్ పూరి జగన్నాథ్(Puri Jagannadh).. ప్రస్తుతం ఏం చేస్తున్నాడు? ఏ హీరోతో సినిమా చేస్తాడు? స్క్రిప్ట్ పనులు ఎక్కడి వరకు వచ్చాయి? అనే వివరాలు తెలియకపోయినా.. యంగ్ హీరోతో సినిమా చేయబోతున్నాడనే న్యూస్ మాత్రం చాలా ఎగ్జైటింగ్‌గా మారింది. ఈ జనరేషన్ హీరోలను తీసుకుంటే.. మాస్ కా దాస్ విశ్వక్ సేన్(vishwak sen) ముందు వరుసలో ఉంటాడు. రీసెంట్‌గానే ధమ్కీతో మంచి హిట్ అందుకున్నాడు విశ్వక్.
ప్రస్తుతం వరుస సినిమాలతో దూసుకుపోతున్నాడు. ఇక ఇప్పుడు పూరి జగన్నాథ్ కూడా విశ్వక్(vishwak sen)తో సినిమా చేసేందుకు ప్లాన్ చేస్తున్నాడనే టాక్ బయటికొచ్చింది. రీసెంట్‌గానే పూరి, విశ్వక్ సేన్‌కి కలిసి కథ కూడా నేరేట్ చేశాడని ప్రచారం జరుగుతోంది. దాస్ కూడా పూరి కథకు ఒకే చెప్పేశాడట. అంతేకాదు.. ఈ మూవీని ఆగష్టులో స్టార్ట్ చేయాలని డిసైడ్ కూడా అయిపోయారట.
త్వరలో ఈ క్రేజీ కాంబో నుంచి సర్ప్రైజింగ్ ఎనౌన్స్ మెంట్ వచ్చే ఛాన్స్ ఉందంటున్నారు. ఒకవేళ నిజంగానే పూరి, విశ్వక్(puri, vishwak)కలిస్తే మాత్రం.. ఆ లెక్క వేరేలా ఉంటుంది. ఈ ఇద్దరికీ డేర్‌నెస్ కాస్త ఎక్కువ.. ఏం చేయడానికైనా రెడీగా ఉంటారు. అలాంటి ఈ ఇద్దరు కలిస్తే.. ఇంకెలా ఉంటుందో ఊహించుకోవచ్చు. కాని ఇప్పుడే ఈ కాంబోని ఫిక్స్ చేయలేం. కాబట్టి ఇలాంటి వార్తల్లో నిజముందా? లేదా? అనే క్లారిటీ రావాల్సి ఉంది.
ఇది కూడా చూడండి: Samantha: సమంత ఒంటిపై హాట్ టాపిక్‌గా మారిన నెక్లెస్.. అన్ని కోట్లా!?
