ప్రభుత్వాలు, అధికారులు ఎన్ని చట్టాలు తీసుకొచ్చిన ప్రజల్లో మార్పు రావడం లేదు. దేశంలో ఎక్కడో ఒక చోట మహిళలు, బాలికలపై అత్యాచారాలు జరుగుతూనే ఉన్నాయి. లైంగిక వేధింపులు చోటుచేసుకుంటూనే ఉన్నాయి. తాజాగా ఓ దారుణ ఘటన హైదరాబాద్(Hyderabad)లో జరిగింది. తండ్రీకొడుకులిద్దరూ కలిసి ఓ బాలికను అత్యాచారం చేశారు. కొంపల్లి(kompally)లో ఈ ఘటన వెలుగుచూసింది.
చదవండి: Jayaprada: ప్రముఖ సినీ నటి, మాజీ ఎంపీ జయప్రదకు ఆరు నెలల జైలు శిక్ష
హైదరాబాద్ శివార్లలోని కొంపల్లిలో శివ‌కుమార్(45), కుమారుడు శ్యామ‌ల్(19) నివాసముంటున్నారు. వారి పక్కింట్లో ఓ బాలిక ఉంది. ఆ బాలికకు ఫోన్ ఇస్తామని చెప్పి తండ్రీకొడుకులు ఇద్దరూ ఇంట్లోకి తీసుకెళ్లారు. ఆ తర్వాత ఆ బాలికపై అత్యాచారానికి ఒడిగట్టారు. ఈ విషయం బయటకు చెబితే చంపేస్తామని ఆ బాలికను బెదిరించారు. దీంతో ఆ బాలిక అసలు విషయాన్ని దాచిపెట్టింది.
చదవండి: Punjab: పరువు హత్య కలకలం..కూతుర్ని చంపి బైక్‌తో ఈడ్చుకెళ్లిన కన్నతండ్రి
మూడు రోజుల నుంచి బాలిక ప్రవర్తనలో తేడాను గమనించిన తల్లిదండ్రులు బాలికతో మాట్లాడారు. అప్పటికీ ఆ బాలిక నిజం చెప్పలేదు. తల్లి గట్టిగా ప్రశ్నించడంతో అసలు విషయం బయటపెట్టింది. బాధితురాలి తల్లి షేట్ బషీరాబాద్ పోలీసులు ఫిర్యాదు చేయగా పోలీసులు కేసు నమోదు చేశారు. చికిత్స నిమిత్తం బాలికను ఆస్పత్రికి తరలించగా నిందితులైన తండ్రీకొడుకులను పోలీసులు అదుపులోకి తీసుకున్నారు.
