మహారాష్ట్రలో దారుణ ఘటన చోటుచేసుకుంది. ఘోర రోడ్డు ప్రమాదం(Road Accident)లో 25 మంది సజీవ దహనమయ్యారు. రాష్ట్రంలో బుల్దానా సమృద్ధి మార్గ్ ఎక్స్ప్రెస్ హైవేపై శనివారం వేకువజామున 2 గంటలకు ఈ రోడ్డు ప్రమాదం జరిగింది. యావత్మాల్ నుంచి పూణేకు 32 మంది వెళ్తున్న బస్సులో ఒక్కసారిగా మంటలు చెలరేగడంతో ఈ ప్రమాదం వాటిల్లింది. ఘటనలో 25 మంది అక్కడికక్కడే దుర్మరణం చెందారు.
చదవండి: Road Accident: లారీలో చెలరేగిన మంటలు..ఇద్దరు సజీవ దహనం
తెల్లవారుజాము కావడంతో ఆ చుట్టు ప్రాంతాల్లో ఎవ్వరూ లేరు. చివరి నిమిషంలో ఆవైపుగా వెళ్తున్న వారు పోలీసులకు, అగ్నిమాపక సిబ్బందికి సమాచారం అందించగా అధికారులు ఘటనాస్థలికి చేరుకున్నారు. మంటలు ఆర్పి సహాయక చర్యలు చేశారు. 25 మంది సజీవ దహనం అవ్వడంతో ఆ ప్రాంతమంతా భయకంపితంగా మారిపోయింది. ఈ ఘటనలో తీవ్రంగా గాయపడిన మరికొంత మందిని స్థానిక ఆస్పత్రికి పోలీసులు తరలించారు. క్షతగాత్రుల్లో చాలా మంది పరిస్థితి విషమంగానే ఉందని, బస్సు పూర్తిగా దగ్ధమైందని పోలీసులు వెల్లడించారు.
