హర్యానా ప్రభుత్వం (Haryana Govt) డేరా బాబా పై మరోసారి దయ చూపింది.త‌న ఆశ్ర‌మంలో బాలిక‌ల‌పై లైంగిక దాడులకు పాల్ప‌డిన ఆరోప‌ణ‌ల‌పై జైలు జీవితం గ‌డుపుతున్న డేరా బాబా (Dera Baba) గుర్మీత్ రాం ర‌హీం సింగ్‌కు 30 రోజుల పెరోల్ మంజూరైంది. ఈ ఏడాది జ‌న‌వ‌రిలో పెరోల్‌పై బ‌య‌ట‌కు వ‌చ్చిన డేరా బాబాకు మరోసారి ప్రభుత్వం పెరోల్ ఇచ్చింది.పెరోల్ స‌మ‌యంలో యూపీలోని బాగ్ప‌ట్ జిల్లాలోని షా స‌త్నం ఆశ్ర‌మంలో డేరా బాబా నివ‌సిస్తారు.
చదవండి : ఇంటి ముందు బైక్ పార్క్ చేశాడని.. సీట్ కోసిన మహిళ.!
సిర్సా(Sirsa)లోని త‌న ఆశ్ర‌మంలో ఇద్ద‌రు మ‌హిళా శిష్యురాళ్ల‌పై లైంగిక దాడికి పాల్ప‌డిన కేసులో డేరా బాబా రోహ్త‌క్ జైలులో 20 ఏండ్ల జైలు శిక్ష‌ను అనుభ‌విస్తున్నారు.పంజాబ్‌, హ‌రియాణ, హిమాచ‌ల్ ప్ర‌దేశ్‌, యూపీ వంటి రాష్ట్రాల్లో పెద్దసంఖ్య‌లో భ‌క్త‌గ‌ణం క‌లిగిన డేరా బాబాకు ఇప్ప‌టివ‌ర‌కూ ఐదు సంద‌ర్భాల్లో పెరోల్స్ (Paroles) ల‌భించాయి. ఇక పెరోల్ వ్య‌వ‌ధిలో రిలీజ్ వారెంట్‌లో పొందుప‌ర‌చ‌ని ఏ ప్రాంతానికైనా వెళ్లేముందు జిల్లా మెజీస్ట్రేట్ అనుమ‌తి త‌ప్ప‌నిస‌రి వంటి ప‌లు ష‌ర‌తుల‌తో గుర్మీత్ సింగ్‌కు పెరోల్ మంజూరైంది.
చదవండి : మణిపూర్ ఘటనపై భారీ నిరసన ర్యాలీ.!
