ఐసీసీ ఛైర్మన్గా జైషా బాధ్యతలు చేపట్టనుండడంతో బీసీసీఐ తదుపరి కార్యదర్శి ఎవరనేది ఆసక్తికరంగా మారింది. ఈ పోస్టు కోసం చాలా మంది పోటీలో ఉన్నప్పటికీ ప్రధానంగా రోహన్ జైట్లీ పేరు వినిపిస్తోంది. రోహన్ ప్రస్తుతం ఢిల్లీ క్రికెట్ సంఘం అధ్యక్షుడిగా ఉన్నాడు. ఆయనతో పాటు మరికొంత మంది రేసులో ఉన్నప్పటికీ రోహన్ జైట్లీనే ముందంజలో ఉన్నట్లు తెలుస్తోంది. కాగా రోహన్ జైట్లీ బీజేపీ నేత, మాజీ కేంద్రమంత్రి అరుణ్ జైట్లీ కుమారుడు.
